قوعام • 25 تامىز، 2020

"Nur Otan" پرايمەريزىن وتكىزۋ كەزىندە سانيتارلىق-ەپيدەميالىق تالاپتار ساقتالادى

33 رەت كورسەتىلدى

"Nur Otan" پرايمەريزىن وتكىزۋ كەزىندەگى ارنايى سانيتارلىق-ەپيدەميالىق تالاپتار باس مەملەكەتتىك سانيتارلىق دارىگەر ا.ەسماعامبەتوۆامەن بىرگە بەكىتىلدى. بۇل تۋرالى Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك ءوزىنىڭ Facebook پاراقشاسىندا جازدى، دەپ حابارلايدى Egemen.kz.

"پارتيا ليدەرى نۇرسۇلتان نازارباەۆتىڭ تاپسىرماسى بويىنشا رەسپۋبليكالىق پارتياىشىلىك ىرىكتەۋ – پرايمەريز وتكىزىپ جاتقانىمىزدى جاقسى بىلەسىزدەر. بۇگىنگى كۇنى وعان قاتىسۋعا 7670 ازامات ءوتىنىش بەردى. ولاردىڭ 34% - ايەلدەر، 24،1% - 35 جاسقا دەيىنگى جاستار. باستاۋىش پارتيا ۇيىمدارى 2631 ادامدى ۇسىنسا، ال 5039 كانديدات – ءوزىن-ءوزى ۇسىنعاندار. تىركەۋ وسى اپتانىڭ سوڭىنا دەيىن جالعاسادى. 7 قىركۇيەكتەن باستاپ ۇمىتكەرلەردىڭ ۇگىت جۇمىسى باستالادى، ونىڭ ىشىندە جاريا پىكىرسايىستار – 14-30 قىركۇيەك ارالىعىندا بولادى"، - دەپ جازدى باۋىرجان بايبەك.

بۇدان سوڭ، ول پرايمەريز كەزىندە سانيتارلىق-ەپيدەميولوگيالىق تالاپتاردىڭ قالاي ساقتالاتىندىعى جايىندا ءسوز ەتتى.

"قازىرگى ەپيدەميولوگيالىق احۋال بەلگىلى ءبىر شەكتەۋلەر تۋدىرىپ، پرايمەريز وتكىزۋ ءۇشىن ءتيىستى جاعداي جاساۋدى تالاپ ەتۋدە. ءبارىمىز ءۇشىن ەڭ الدىمەن ازاماتتارىمىزدىڭ دەنساۋلىعى مەن اماندىعى ماڭىزدى. وسىعان بايلانىستى باس مەملەكەتتىك سانيتارلىق دارىگەر ايجان ەسماعامبەتوۆامەن بىرلەسىپ پرايمەريز وتكىزۋ كەزىندە ارنايى سانيتارلىق-ەپيدەميالىق تالاپتار ەنگىزۋ تۋرالى قاۋلى قابىلدادىق. ونى بارلىق ۇيىمداستىرۋ كوميتەتتەرى، كانديداتتار جانە داۋىس بەرۋشىلەر باسشىلىققا الۋى ءتيىس. سونىمەن، پارتياىشىلىك ىرىكتەۋگە قاتىسۋشىلار ماسكالاردى، قولعاپتاردى، زارارسىزداندىرۋ قۇرالدارىن پايدالانۋعا، كەمىندە 2 مەتر الەۋمەتتىك ارالىقتى ساقتاۋعا، قول الىسىپ امانداسپاۋعا جانە باسقا دا ساقتىق شارالارىن ۇستانۋعا مىندەتتى. بارلىق ىسكە قوسىلعان ءۇي-جايلاردا سانيتايزەرلەردىڭ، بايلانىسسىز تەرمومەترلەردىڭ قاجەتتى مولشەرى قامتاماسىز ەتىلەدى، زارارسىزداندىرعىش قۇرالدار پايدالانىلا وتىرىپ، تۇراقتى تۇردە ىلعالدى تازالاۋ جۇرگىزىلەدى جانە كەمىندە تاۋلىگىنە 2 رەت جەلدەتىلەدى"، - دەپ جازدى ول.
 
سونداي-اق جازبادا ۇگىت بارىسىندا فلاەرلار مەن بۋكلەتتەردى تەك ماسكا تاعىپ، قولعاپ كيىپ قانا تاراتۋ قاجەت ەكەنى ايتىلعان.
 
"كانديداتتاردىڭ پارتيا مۇشەلەرىمەن كەزدەسۋلەرى الەۋمەتتىك جەلىلەردە بەينەكونفەرەنتسيا ارقىلى، اشىق الاڭداردا نەمەسە جەلدەتىلەتىن ءۇي-جايلاردا قاتىسۋشىلار اراسىنداعى قاشىقتىقتى ساقتاپ، ماسكا تاعا وتىرىپ، ءوتۋى مۇمكىن. كانديداتتاردىڭ جاريا دەباتتارى 1224 وبەكتىدە ونلاين-فورماتتا جانە الەۋمەتتىك ارالىقتى ساقتاي وتىرىپ وتكىزىلۋى ءتيىس. 2545 داۋىس بەرۋ ۋچاسكەسىندە كابينالار مەن ۋرنالار، سونداي-اق بيۋللەتەندەردى بەرۋ ورىندارى ءبىر بىرىنەن كەمىندە ەكى مەتر اراقاشىقتىقتا بولۋى ءتيىس. جالپى، ءبىز ەنگىزگەن "پرايمەريز" اقپاراتتىق جۇيەسى پارتياىشىلىك ىرىكتەۋدىڭ بارلىق كەزەڭىن وتكىزۋگە مۇمكىندىك بەرەدى، ونىڭ ىشىندە تىركەۋدى، ۇگىتتى جانە داۋىس بەرۋدى ونلاين رەجيمدى وتكىزۋگە بولادى. جۇيە قولدانۋعا جەڭىل، سايلاۋشىنىڭ "تاڭداۋ قۇپياسىن"، سونداي-اق سىرتتان ارالاسۋدان قورعاۋدى قامتاماسىز ەتەدى. سوندىقتان ءىس-شارالاردىڭ باسىم بولىگىن ءبىز وسى مۇمكىندىكتەردى پايدالانا وتىرىپ وتكىزۋگە تىرىسامىز"، دەلىنگەن جازبادا.
 
 
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.


سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار