"شىعىندار قۇرىلىمىندا الەۋمەتتىك سەكتوردىڭ ۇلەسى 50,4% قۇرايدى. ماسەلەن, 2021 جىلى الەۋمەتتىك سالاعا 7 ترلن تەڭگە جوسپارلانعان, ول 2020 جىلعا قاراعاندا 454 ملرد تەڭگەگە وسەدى. جىل سايىنعى يندەكستەۋگە جانە زەينەتاقى مەن جاردەماقى الۋشىلار كونتينگەنتىن ۇلعايتۋعا كەلەسى جىلعا قوسىمشا 265 ملرد تەڭگە قاراستىرىلعان", دەيدى ەرۇلان جاماۋباەۆ.
قارجى ءمينيسترىنىڭ ايتۋىنشا, پرەزيدەنتتىڭ پەداگوگتەر مەن دارىگەرلەردىڭ جالاقىسىن ارتتىرۋ ارقىلى ولاردىڭ مارتەبەسىن كوتەرۋ جونىندەگى تاپسىرمالارىن ىسكە اسىرۋ بويىنشا بارلىق ءىس-شارالار جوسپارلانعان.
سونداي-اق ەكونوميكانىڭ ناقتى سەكتورىن دامىتۋدى قولداۋعا 2021 جىلعا 1,7 ترلن تەڭگە قاراستىرىلعان. وسى قاراجات اياسىندا "نۇرلى جول", "نۇرلى جەر", اگروونەركاسىپتىك كەشەندى دامىتۋ, يدمب, بجك-2025 جانە باسقا دا مەملەكەتتىك باعدارلامالاردى ىسكە اسىرۋ جالعاساتىنىن ايتىپ ءوتتى.
بۇدان بولەك, 2021 جىلى وڭىرلەرگە رەسپۋبليكالىق بيۋدجەت قاراجاتى ەسەبىنەن 3,8 ترلن بولىنەتىنىن حابارلادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
