وڭتۇستىك قازاقستان • 21 تامىز، 2020

شىمكەنتتە ارمەنيالىق 308 كولىك تىركەلدى

14 رەت كورسەتىلدى

شىمكەنتتە ارمەنيالىق 308 كولىك تىركەلدى. بۇل تۋرالى ءىىم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

ۇكىمەتتىڭ 2020 جىلعى 20 مامىرداعى №306 قاۋلىسىنا سايكەس، قر اۋماعىنا 2020 جىلعى 1 اقپانعا دەيىن ارمەنيا رەسپۋبليكاسىنان الىپ كەلىنگەن اۆتوكولىكتەردى 2020 جىلعى 1 ماۋسىمنان 1 قىركۇيەككە دەيىنگى ارالىقتا تىركەۋ جۇرگىزىلىپ جاتىر.

شىمكەنت قالاسى اۋماعىنا ارمەنيا رەسپۋبليكاسىنان الىپ كەلىنگەن 320 اۆتوكولىك راسىمدەلۋگە جاتادى. ال، بۇگىنگى تاڭدا 308 اۆتوكولىك تىركەلىپ، وزدەرىنە سارى مەملەكەتتىك بەلگىلەرىن الدى. تىركەۋگە كەلگەن ازاماتتار تومەندەگى ءىس قۇجاتتاردى ۇسىنىپ جاتىر.

– جەكە باستى كۋالاندىراتىن قۇجاتتى;

– مەملەكەتتىك باجدار تولەۋ تۋرالى قۇجاتتاردى; (جالپى – 11 946 تەڭگە تولەنەدى)

– ارمەنيا رەسپۋبليكاسىنىڭ ۋاكىلەتتى ورگانىندا بەرىلگەن، كولىك قۇرالدارىنا ارنالعان كولىك قۇرالدارىن تىركەۋ تۋرالى كۋالىكتەرى مەن مەملەكەتتىك تىركەۋ ءنومىرى بەلگىلەرى;

– سايكەستەندىرۋ نومىرىندە كەمىندە 17 بەلگى بولعان جاعدايدا، 018/2011 كو تر 17-قوسىمشاعا سايكەس نىسان بويىنشا كولىك قۇرالى كونسترۋكتسياسىنىڭ قاۋىپسىزدىگى تۋرالى كۋالىكتى ۇسىنادى.

سونىمەن قاتار ارمەنيا رەسپۋبليكاسىنىڭ الىپ كەلگەن ءىس قۇجاتتارىن مەملەكەتتىك تىلگە نەمەسە ورىس تىلىندە اۋدارماسى قازاقستان رەسپۋبليكاسى ىشكى ىستەر ءمينيسترىنىڭ 2014 جىلعى 2 جەلتوقسانداعى № 862 بۇيرىعىنا سايكەس سۇراتىلۋدا.

تىركەلگەن اۆتوكولىكتىڭ كولىك قۇرالدارىن تىركەۋ تۋرالى كۋالىكتىڭ (تەح پاسپورت)، ەرەكشە بەلگىلەرىندە “وزگە ادامعا تىركەۋگە جاتپايدى” دەپ كورسەتىلەتىن بولادى. تىركەۋ كەزىندە، ارنايى حالىققا قىزمەت كورسەتۋ ورتالىعىنا ۇسىنىلعان ارمەنيا رەسپۋبليكاسىنان الىپ كەلىنگەن ءىس قۇجاتتار مەن مەملەكەتتىك تىركەۋ ءنومىرى بەلگىلەرىنىڭ تۇپنۇسقالارى، يەسىمەن شەشىم قابىلدانعان (اۆتوكولىك تىركەۋ نەمەسە قازاقستان رەسپۋبليكاسىنان تىس جەرلەرگە شىعارۋ تۋرالى شەشىم) دەيىن تىركەلگەن ارنايى حالىققا قىزمەت كورسەتۋ ورتالىعىندا ساقتاۋدا تۇراتىن بولادى.

ال، اۆتوكولىكتى قازاقستان رەسپۋبليكاسىنان شىعاراتىن بولسا، تىركەلگەن جەردەگى ارنايى حالىققا قىزمەت كورسەتۋ ورتالىعىنا بارىپ، قازاقستان رەسپۋبليكاسىنىڭ كقتك مەن متنب وتكىزىپ، ارمەنيا رەسپۋبليكاسىنان الىپ كەلىنگەن ءىس قۇجاتتار مەن مەملەكەتتىك تىركەۋ ءنومىرى بەلگىلەرىنىڭ تۇپنۇسقالارى يەلەرىنە قايتارىلادى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار