قوعام • 21 تامىز، 2020

ۆولونتەرلەر بىرقاتار قالا تۇرعىندارىنا 5000-نان استام ماسكا تاراتتى

64 رەت كورسەتىلدى

SK Volunteer ۆولونتەرلەر ليگاسىنىڭ بەلسەندىلەرى قاراعاندى، پاۆلودار، شىمكەنت، الماتى جانە نۇر-سۇلتان قالالارىنىڭ تۇرعىندارىنا 5000-نان استام كوپ رەتتىك قورعانىس ماسكالارىن  تاراتتى، - دەپ حابارلايدى Egemen.kz.

ۆولونتەرلەر ادامداردى دۇكەندەردەن شىققان ساتتە جانە كوشەدە قارسى الىپ جانە گيگيەنا ەرەجەلەرىن ەسكە ءتۇسىرىپ ماسكالاردى تاراتتى. ماسكالار اسىرەسە كوشەدە قورعانسىز جۇرگەن زەينەتكەرلەر مەن بالالارعا بەرىلدى.

"بۇل ءبىزدىڭ باستامامىز. ءبىرىنشى كەزەكتە، ءبىز ازاماتتارىمىزعا الدىن الۋ شارالارىن، جەكە قاۋىپسىزدىكتى جانە ماسكا رەجيمىن ساقتاۋ قاجەتتىگىن ەسكە سالعىمىز كەلدى. بىرنەشە رەت قولدانۋعا بولاتىن ساپالى جانە كوپ رەتتىك ماسكالاردى تاڭدادىق"، – دەدى الەۋمەتتىك ءوزارا ءىس-قيمىل جانە كوممۋنيكاتسيا ورتالىعىنىڭ HR-مامانى ايگۇل سمايلوۆا.

ەستەرىڭىزگە سالا كەتەيىك، SK Volunteer ۆولونتەرلەر ليگاسى "سامۇرىق-قازىنا" كومپانيالار توبىنىڭ بەي-جاي قارامايتىن قىزمەتكەرلەرى مەن ەل ازاماتتارىن بىرىكتىرەدى. http://volunteer.sknews.kz/. سايتى ارقىلى ءوتىنىش بەرۋ ارقىلى قازاقستاننىڭ كەز كەلگەن ازاماتى ۆولونتەر بولا الادى. 

1

5

5

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.


سوڭعى جاڭالىقتار

ۇقساس جاڭالىقتار