ەلباسىنىڭ 17 ساۋىردە ءىىم بەرىلگەن ۋچاسكەلىك پوليتسيا ينسپەكتورلارىنىڭ ءرولىن كۇشەيتۋ شارالارىن قابىلداۋ تۋرالى تاپسىرماسىن ورىنداۋ اياسىندا ۆەدومستۆولىق بۇيرىقپەن (وسى جىلدىڭ 20 جەلتوقسانىنداعى №1078) 2020 جىل ۋچاسكەلىك پوليتسيا ينسپەكتورلارىنىڭ جىلى دەپ جاريالاندى. "قازاقستان رەسپۋبليكاسىنىڭ ىشكى ىستەر ورگاندارىنىڭ ۋچاسكەلىك پوليتسيا ينسپەكتورلارى قىزمەتىنىڭ تيىمدىلىگىن ارتتىرۋدىڭ 2020-2021 جىلدارعا ارنالعان جول كارتاسى" ازىرلەندى.
– ۋچاسكەلىك ينسپەكتورلاردىڭ قىزمەتى ىشكى ىستەر ورگاندارىنداعى جەتەكشى, حالىقپەن تىعىز بايلانىستا بولاتىن قىزمەت. ولارعا قوعامدىق ءتارتىپتى جانە ازاماتتاردىڭ قاۋىپسىزدىگىن قامتاماسىز ەتۋ, ەسكەرتۋ, قۇقىق بۇزۋشىلىقتاردىڭ الدىن-الۋ, جولىن كەسۋ جۇكتەلگەن. ءار ءتۇرلى مىندەتتەر ءتىزىمى ءىىو-نىڭ بارلىق قىزمەتتەر تۇرلەرىن قامتيدى. 2020 جىلدىڭ جەتى ايىندا ۋچاسكەلىك پوليتسيا قىزمەتكەرلەرى 3 مىڭ 512 قىلمىستىڭ بەتىن اشتى, 45 مىڭ 082 اكىمشىلىك قۇقىق بۇزۋشىلىق انىقتالدى. اتاپ ايتقاندا, ۇساق بۇزاقىلىق جاساعانى ءۇشىن 2 مىڭ 656 قۇقىق بۇزۋشى اكىمشىلىك جاۋاپكەرشىلىككە تارتىلدى, ىشىمدىك ىشكەنى ءۇشىن – 6 مىڭ 344 ازامات, تىنىشتىقتى بۇزعانى ءۇشىن – 2 مىڭ 289 قۇقىق بۇزۋشى جانە تاعى باسقالارى, – دەدى الماتى قالالىق پد جەرگىلىكتى پوليتسيا قىزمەتى باسقارماسىنىڭ باستىعى ماناپ ساتتاروۆ.
سونىمەن قاتار ۋچاسكەلىك پوليتسيا ينسپەكتورلارى ازاماتتاردى تىتىركەندىرەتىن قىسىمنىڭ الدىن الۋ, انىقتاۋ جانە جولىن كەسۋ بويىنشا ماقساتتى جۇمىستار جۇرگىزەدى, سونىڭ ىشىندە قوناقۇيلەردە, ساۋنالاردا, جالدامالى پاتەرلەردە جانە قالا كوشەلەرىندە ينتيمدىك قىزمەت كورسەتۋمەن اينالىساتىن تۇلعالاردى انىقتاۋ. وسى جىلى ازاماتتارعا تيىسكەنى ءۇشىن 1 مىڭ 965 قۇقىق بۇزۋشى اكىمشىلىك جاۋاپكەرشىلىككە تارتىلدى.
– سونىمەن قاتار, الكوگولدىك نەمەسە ەسىرتكىلىك ماس كۇيىندە جاسالعان قىلمىستاردىڭ 2,2 ەسەگە تومەندەگەنىن اتاپ وتكەن ءجون. قوعامدىق ورىندا ماس كۇيدە بولعاندىعى جانە ىشىمدىك ىشكەنى ءۇشىن ۋچاسكەلىك پوليتسيا قىزمەتكەرلەرى 5 مىڭ 521 قۇقىق بۇزۋشىنى اكىمشىلىك جاۋاپكەرشىلىككە تارتتى. 96 ناۋقاس الكوگوليزم مەن ناشاقورلىقتان ماجبۇرلەپ ەمدەۋگە جىبەرىلدى. ناشاقورلىق دارىگەرلەرىمەن بىرگە ناشاقورلىق پەن الكوگوليزمنىڭ الدىن الۋ, سالاۋاتتى ءومىر سالتىن ناسيحاتتاۋ بويىنشا جۇمىستار ۇيىمداستىرىلىپ, جۇرگىزىلۋدە, – دەپ قورىتىندىلادى ساتتاروۆ.
حالىقپەن ءوزارا ارەكەتتەستىكتى نىعايتۋ ماقساتىندا ۋچاسكەلىك پوليتسيا ينسپەكتورلارى تۇرعىندارمەن ەسەپ بەرۋ كەزدەسۋلەرىن وتكىزەدى. 2020 جىلدىڭ جەتى ايىندا حالىق الدىندا 237 ەسەپ بەرۋ كەزدەسۋى وتكىزىلدى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
