قوعام • 21 تامىز، 2020

ايەلىن بالتامەن جازالاعىسى كەلگەن ەر ادام 11 جىلعا سوتتالدى

804 رەت كورسەتىلدى

تۇركىستان وبلىسىندا ايەلىن بالتامەن ۇرىپ، جازالاعىسى كەلگەن ەر ادام 11 جىلعا سوتتالدى. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى.

تۇركىستان وبلىسىندا ەر ازاماتتىڭ ءوز ايەلىن بالتامەن ۇرىپ، اۋىر جاراقات سالعاندىعى تۋرالى اقپار كەڭىنەن تارالىپ، قوعام اراسىندا تالقىعا تۇسكەن بولاتىن. ەسكە سالا كەتەيىك، كەلەس اۋداندىق پوليتسيا ءبولىمىنىڭ كەزەكشىلىك نومىرىنە 27 ءساۋىر ۋچاسكەلىك پوليتسيا ينسپەكتورىنان حابارلاما كەلىپ تۇسەدى. وندا تاڭعى ساعات 9:40-تا اۋدان كوشەلەرىنىڭ بىرىندە بەلگىسىز ايەلدىڭ جاراقاتتانىپ جاتقانى ايتىلادى.

حابارلاما تۇسە سالىسىمەن كەلەستىك ساقشىلاردان جەدەل-تەرگەۋ توبى قۇرىلىپ، وقيعا ورىن العان ايماققا اتتانادى. پوليتسەيلەر بىردەن ءىستى اشۋعا باعىتتالعان تەكسەرۋ شارالارىنا كىرىسىپ، سول اۋماقتى تىڭعىلىقتى تەكسەردى. كۋاگەرلەردەن سۇراق-جاۋاپتار الدى. سونىمەن قاتار وقيعا بولعان ورىننان ايعاقتى زات رەتىندە بالتا تاركىلەندى. اۋىر جاراقات العان ايەل دەنساۋلىعىنا بايلانىستى شاعىمدانا الماعاننان سوڭ، جابىرلەنۋشىنىڭ اپكەسى پوليتسيا بولىمىنە كەلىپ ارىزداندى.

ارىزدى پوليتسەيلەر قر قك-ءنىڭ 24-99-بابى (ادام ولتiرۋگە وقتالۋ) بويىنشا سدتبت-عا تىركەيدى دە، تەرگەۋ جۇرگىزىلەدى. جەدەل ىزدەستىرۋ شارالارىنىڭ ناتيجەسىندە، كۇدىكتى رەتىندە زارداپ شەككەن ايەلدىڭ كۇيەۋى 2-3 ساعات ىشىندە اۋدان كوشەلەرىنىڭ بىرىنەن ۇستالدى. تەرگەۋ بارىسىندا بەلگىلى بولعانداي، كۇدىكتى مەن ايەلىنىڭ اراسىندا وتباسىلىق جانجال بولعان جانە ەرلى – زايىپتىلار اراسىنداعى كيكىلجىڭنىڭ تۋىنداۋى العاش رەت ەمەس. بۇعان دەيىن دە بىرنەشە رەت قايتالانعان. ال ءدال وسى جايت كەزىندە كۇيەۋى ايەلدى ۇرىپ سوعىپ، ارتىنان بالتاسىن الىپ جۇگىرگەن. زارەسى ۇشقان ايەل قورىققانىنان قاشا جونەلەدى، الايدا كۇيەۋى ارتىنان جەتىپ، قولىنداعى بالتاسىمەن ءوز ايەلىن اياۋسىز ۇرىپ سوققان.

بۇگىنگى تاڭدا زارداپ شەككەن ايەل ەمحاناعا قارالىپ، ءتيىستى وتاسى جاسالدى. الايدا بەتىنە تيگەن بالتانىڭ سالدارىنان ءبىر كوزى قاتتى زاقىمدانىپ، ءبىر جاعىنان باس جاراقاتىن دا العان. قازىرگى ۋاقىتتا ايەلدىڭ جاعدايى ءبىر قالىپتى، شىمكەنت قالاسىنداعى تۋىستارىنىڭ ۇيىندە. ەمحاناعا جاتىپ، تاعى دا وتا جاساتۋعا دايىندالۋدا. وسىلايشا تۇركىستان وبلىسى پوليتسيا دەپارتامەنتى كەلەس اۋداندىق پوليتسيا ءبولىمىنىڭ تەرگەۋشىلەرى كۇيەۋىنىڭ سوققىسىنان اۋىر جاراقاتتانعان ايەلدىڭ ءىسىن تەرگەپ-تەكسەرىپ، ءتيىستى دالەلدەمەلەردى جيناقتاپ، ءىستى سوتقا جولدادى.

ءوز كەزەگىندە تۇركىستان وبلىستىق سوتىنىڭ شەشىمىمەن كۇدىكتى 11 جىل 3 ايعا باس بوستاندىعىنان ايىرىلدى. ومىرلىك جارى بولعان ايەلدىڭ، بالالارىنىڭ اناسىنا قاۋىپ توندىرگەنى ءۇشىن 11 جىلىن تەمىر توردىڭ ارعى جاعىندا وتكىزەتىن بولادى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

سالعىرتتىق سان سوقتىرماسا ەكەن

ايماقتار • بۇگىن، 08:12

ۇقساس جاڭالىقتار