"بارلىق ءوتىنىش بىلدىرگەن 405 ادامنىڭ 173 ايەلدەر, سونىڭ ىشىندە 7 كوپبالالى انالار", دەدى ول. "كانديداتتاردىڭ جاستارىنا كەلەتىن بولساق, 35-تەن 50 جاسقا دەيىنگى كانديداتتاردىڭ ۇلەسى – 46 پايىز, ال 35-كە دەيىنگىلەر-24 پايىز. قىزمەت ەتۋ سالالارىن الاتىن بولساق, 49 پايىزدىق ەڭ ۇلكەن ۇلەستى ءبىلىم سالاسىنىڭ قىزمەتكەرلەرى الىپ وتىر. ودان كەيىنگى ورىندا شوب وكىلدەرى. ولار 12 پايىزدىق ۇلەستى يەلەنگەن. سونىمەن بىرگە اۋىلشارۋاشىلىعى, دەنساۋلىق ساقتاۋ, سپورت, مادەنيەت سالاسىنىڭ وكىلدەرى دە بار", دەدى ءوزىنىڭ سوزىندە اسەم راحمەتوۆا.
ەسكە سالا كەتەتىن بولساق, پرايمەريزگە قاتىسۋشىلاردىڭ ۇگىت-ناسيحات جۇمىستارى 7 قىركۇيەكتەن باستالىپ, 3 قازاندا اياقتالادى. ونى كانديداتتاردىڭ وزدەرىنىڭ جەكە قارجىلارىنىڭ ەسەبىنەن جۇرگىزەدى. شەتەلدىك زاڭدى تۇلعالار مەن ازاماتتارىنىڭ قارجىلاندىرۋىنا تيىم سالىنعان. سونداي-اق مەملەكەتتىك ورگانداردىڭ قارجىلاندىرۋىنا دا بولمايدى.
اسەم راحمەتوۆا ءوزىنىڭ سوزىندە كانديداتتاردىڭ دەباتتارعا قاتىسىپ, وزدەرىنىڭ باعدارلاماسىن ايتۋى مىندەتتەلەتىنىن ەسكەرتتى.
"ولارعا كەز كەلگەن قاتىسۋشى سۇراقتار قويا الادى. دەباتتىڭ ۇزاقتىعى 90 مينوتتەن اسپايدى. قالالىق جانە اۋداندىق ماسليحاتتارعا قاتىسۋشىلار كەم دەگەندە ءبىر دەباتقا, وبلىستىق ماسليحاتقا وتۋدەن ۇمىتكەرلەر ەكى دەباتقا جانە ءماجىلىس دەپۋتاتى بولۋدى قالايتىندار ءۇش دەباتقا قاتىسۋى كەرەك", دەدى ءا.راحمەتوۆا.
ۇمىتكەرلەرگە داۋىس بەرۋ قازان ايىنىڭ 1 مەن 3 ارالىعىندا وتەدى.
