بۇل اۋداننىڭ ۇيلەرى كىلەڭ جاڭا جوبامەن سالىنعان, زاماناۋي اسەم ۇيلەر. الايدا وسى ۇيلەر تۇرعىندارىنىڭ مادەنيەتى وزدەرىنىڭ تاماشا ۇيلەرىنە سايكەس بولماي, وزىمشىلدىككە بوي ۇرعىزعان.
پاتەرلەرىن رەتكە كەلتىرۋگە اسىققان تۇرعىندار قۇرىلىس قوقىستارىن ۇيىندىگە اينالدىرىپ, سول ماڭداعى جەر ۇيلەردىڭ ماڭىنا ءۇيىپ تاستاعان. نارازىلىقتارىن بىلدىرگەن جەر ۇيلەردىڭ تۇرعىندارى الەۋمەتتىك جەلىلەردە قوقىس توگىلگەن جەرلەردىڭ سۋرەتتەرى مەن ۆيدەولارىن جاريالاۋدا. جەرگىلىكتى پوليتسيا قىزمەتىنىڭ قىزمەتكەرلەرى تازالىقتى ساقتاۋ ەرەجەلەرىن بۇزعانداردى انىقتاۋ جانە الدىن الۋ بويىنشا جۇمىس جۇرگىزىپ جاتىر. ۋچاسكەلىك پوليتسيا ينسپەكتورى ءۇش تۇرعىندى جاۋاپقا تارتتى: بىرەۋى ەسكەرتۋ الىپ, ەكەۋىنە ايىپپۇل سالىندى. ۋچاسكەلىك ينسپەكتوردىڭ جۇمىسىنىڭ ناتيجەسىندە قازىر قوقىس شىعارىلدى.
پەتروپاۆل قالاسى پب جەرگىلىكتى پوليتسيا قىزمەتى ءبولىمى باستىعىنىڭ ورىنباسارى, پوليتسيا پودپولكوۆنيگى ايدىن احماعامبەتوۆتىڭ ايتۋىنا قاراعاندا نەگىزىنەن قالا شەتىندەگى تۇرعىندار اراسىندا بولىپ تۇراتىن بۇل پروبلەمانىڭ قالا ورتالىعىنا اينالادى دەگەن جاڭا "جاس وركەن" شاعىن اۋدانىندا ورىن العانى ءتىپتى وكىنىشتى. جالپى, جىل باسىنان بەرى پەتروپاۆل قالاسى پب پوليتسەيلەرى اكىمشىلىك قۇقىق بۇزۋشىلىق تۋرالى كودەكستىڭ "قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ, سونداي-اق قالالار مەن ەلدى مەكەندەر ينفراقۇرىلىمى وبەكتىلەرىن بۇزۋ, جاسىل ەكپەلەرىن جويۋ جانە ءبۇلدىرۋ" بابى بويىنشا 2659 حاتتاما تولتىرعان. قۇقىق بۇزۋشىلاردىڭ كوپشىلىگىنە ەسكەرتۋ جاسالىپ, 82 ادامعا ايىپپۇل سالىنىپتى.
