بۇگىندە ەمحانالارداعى پەرزەنتحانا مەن حيرۋرگيا, كارديوحيرۋرگيا بولىمىندەگى ناۋقاستارعا 3 ۋاقىت, ال COVID-19 ۆيرۋسىن جۇقتىرعان ناۋقاستار مەن دارىگەرلەرگە 4 ۋاقىت تاماق بەرىلەدى. ءار ۋاقىتتا ازىرلەنگەن تاماقتار ەڭ ءبىرىنشى كەزەكتە سىناما تەكسەرىستەن وتەدى. ناتيجەسىندە, دۇرىس ءارى ساپالى ونىمدەردەن دايىندالعان تاعامدار تۇتىنۋعا ۇسىنىلادى. وسى ماقساتتا جوبالىق كەڭسە جەتەكشىسى م.باحىت اۋرۋحانا باسشىلارىمەن جانە ەمدەلىپ جاتقان ناۋقاستارمەن الەۋمەتتىك قاشىقتىقتىق پەن سانيتارلىق تالاپتاردى ساقتاي وتىرىپ, تىكەلەي كەزدەسىپ, اس ءمازىرى مەن قولدانىلاتىن ءونىم ساپالارىنا جانە وعان بولىنەتىن قارجىنىڭ ءتيىمدى يگەرۋ بارىسىنا قوعامدىق مونيتورينگ جۇرگىزدى.
اتالعان ماسەلە جوبالىق كەڭسەنىڭ باستى نازارىندا بولىپ, قولدانىلاتىن ونىمدەر مەن يگەرىلەتىن قارجىلارعا مونيتورينگ جۇمىستارى كۇشەيتىلەتىن بولادى.
ايتا كەتەيىك, بۇل قوعامدىق مونيتورينگ جۇمىستارىن شىعىس وڭىرىندەگى بارلىق قالا-اۋداندارداعى "ادالدىق الاڭى" جوبالىق كەڭسەلەرى جالعاستىرىپ وتىر.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
