ورايى كەلىپ تۇرعاندا العاشقى بىرلەسكەن قىتاي-قازاق كارتيناسى بۇعان دەيىن دە جۇلدەسىز بولماعانىن, وتكەن جىلى دا لوس-اندجەلەستە اسا بەدەلدى Golden screen اwards كينو دوداسىندا دا 4 بىردەي ماراپاتقا قاتار يە بولعانىن ەسكە سالا كەتۋ كەرەك.
ايتقانداي, VIII ۆانكۋۆەر قىتاي كينوسى حالىقارالىق فەستيۆالىنىنىڭ (Vancouver Chinese Film Festival) جابىلۋ سالتاناتى مەن جۇلدەگەرلەردى ونلاين-ماراپاتتاۋ الدىڭعى جۇماعا سايكەس كەلىپ, 14 تامىز كۇنى جەڭىمپاز كارتينالار انىقتالدى.
سونىمەن "كومپوزيتور" كارتيناسى "قىزىل ۇيەڭكى جاپىراعىنىڭ" 4 ماراپاتىنا يە بولسا, سونىمەن قاتار "ۇزدىك فيلم", "ۇزدىك رەجيسسەر", "ۇزدىك ايەل ءرولى" جانە "ۇزدىك ەر ادام ءرولى" اتاۋلى جۇلدەرىن جەڭىپ الدى.
اتالمىش كارتينا ايگىلى قىتاي كومپوزيتورى سيان سينحايدىڭ ەكىنشى دۇنيەجۇزىلىك سوعىسىنا تاپ كەلگەن الماتىداعى تاعدىرى, قازاق كومپوزيتورى باقىتجان بايقاداموۆپەن تەرەڭ, تاماشا دوستىعى تۋرالى كوركەم كينونىڭ تىلىمەن باياندايدى. "كومپوزيتور" ەكى حالىقتىڭ تالانتتى وكىلدەرىنىڭ عانا ەمەس, ەجەلدەن كورشى مەملەكەتتەردىڭ تاتۋلىعى تۋرالى دەسەك تە بولادى. فيلم رەجيسسەرى – قىتاي رەجيسسەرى سيرزات ياحۋپ. باستى رولدەردى قازاق اكتەرلەرى بەرىك ايتجانوۆ, ارۋجان جازىلبەكوۆا پەن قىتاي اكتەرلەرى حۋ تسزيۋن, يۋان تسۋان سومداعان. سول سياقتى ءفيلمنىڭ پرەمەراسى 2019 ەكى ەلدە, قازاقستان مەن قىتايدا قاتار جۇرگەنىن دە اتاپ وتكەن ءجون.
جوعارىدا اتاپ وتكەندەي, فيلم جارىققا شىققالى بەرى قىتاي, اقش, برازيليادا وتكەن بىرقاتار حالىقارالىق كينوفەستيۆالدىڭ نازارىن وزىنە اۋدارىپ, جۇلدەلى ورىنداردان كورىندى.
سونداي-اق قازاقستاننىڭ تۇڭعىش پرەزيدەنتى نۇرسۇلتان نازارباەۆ پەن قحر توراعاسى سي تسزينپين شىعارماشىلىق توپتى قابىلداپ, اتالعان كارتينانىڭ ماڭىزدىلىعى مەن ءتۇسىرۋ توبىنىڭ جۇمىسىنا جوعارى باعا بەرگەن بولاتىن.
ءوز كەزەگىندە مۇنداي فيلمدەر قازاقستان مەن قىتايدىڭ ىنتىماقتاستىعىنا سەپتەسىپ, ونەردەگى الىس-بەرىسىنە جول اشا بەرمەك.
