قوعام • 20 تامىز، 2020

ەرلان سايروۆ: جاقتاستار ليگاسى پرايمەريزدىڭ اشىق جانە ءادىل وتۋىنە قوعامدىق باقىلاۋ جاسايدى

29 رەت كورسەتىلدى

"Nur Otan" پارتياسى جاقتاستارىنىڭ ليگاسى پارتيا توراعاسىنىڭ ءبىرىنشى ورىنباسارى باۋىرجان بايبەكپەن بولعان كەزدەسۋدە پرايمەريز مۇمكىندىكتەرىن تالقىلادى. كەزدەسۋ بارىسىندا تاۋەلسىز بىرلەستىكتەردىڭ، ونىڭ ىشىندە وڭىرلەردەن كەلگەن 50-دەن استام وكىل سۇراقتارىن قويىپ، "Nur Otan" پارتياسىنىڭ پرايمەريزىن ۇيىمداستىرۋ بويىنشا ۇسىنىستارىن دا ورتاعا سالدى، - دەپ حابارلايدى Egemen.kz.

ەۋرازيالىق ينتەگراتسيا ينستيتۋتىنىڭ باسشىسى ەرلان سايروۆتىڭ ايتۋىنشا، بۇگىندە بۇكىل الەمدە ادامداردىڭ ءتۇرلى ساياسي ينستيتۋتتارعا دەگەن سەنىمى تومەندەپ كەتكەن. "Nur Otan" جاڭا جانە بەلسەندى ادامدارعا ارنالعان پارتيالىق "الەۋمەتتىك ءليفتتىڭ" ناقتى تەتىگىن ىسكە قوسۋ ارقىلى ءوزىنىڭ حالىقتىق پارتيا ەكەنىن كورسەتىپ وتىر.

"قازىر – وزگەرىستەر زامانى. دۇنيەجۇزىندەگى، ونىڭ ىشىندە امەريكا قۇراما شتاتتارىنداعى، ەۋروپاداعى، وزىمىزبەن كورشىلەس بەلورۋسسياداعى جاعدايدى بارلىعىمىز كورىپ وتىرمىز. ول بىزگە دە اسەر ەتەدى. بۇل بىزگە دە وزگەرىستەردى تەزىرەك جاساۋ كەرەكتىگىن سەزدىرەدى. سوندىقتان مەنىڭ ويىمشا، قازىرگى كەزدە پاتريوت ازاماتتار مەن ەڭ باستى ساياسي كۇشتەردىڭ بارلىعى ەلىمىزدەگى پروتسەستەردىڭ ەۆوليۋتسيالىق تۇرعىدا دامۋىنا ءوز ۇلەستەرىن قوسقىسى كەلەدى. قازاقتىڭ وتە جاقسى ءبىر ماقالى بار، "سەل وتەدى، تاس قالادى" دەيدى. ساياسي پروتسەستەر وتەدى بىراق ءبىزدىڭ مەملەكەتىمىز قالۋى كەرەك. قازاقتىڭ ءبىر-اق قۇندىلىعى بار، ول – قازاقتىڭ مەملەكەتى. مەنىڭ ويىمشا، ساياساتقا كەلگەن ازاماتتاردىڭ بارلىعى ەڭ ءبىرىنشى وسىنى ەستە ۇستاۋى كەرەك. "Nur Otan" پرايمەريزى – بۇل جالپى ەلدىڭ ساياسي جۇيەسىن وزگەرتۋدەگى ماڭىزدى قادام ەكەنىنە سەنىمدى بولعاندىقتان دا، ءبىز بىرىگۋدى ءجون كوردىك. پارتيانىڭ جاقتاستار ليگاسى پرايمەريزدىڭ اشىق جانە ءادىل وتۋىنە قوعامدىق باقىلاۋ جاسايدى. بۇكىل ەل وڭ وزگەرىستەرگە مۇددەلى"، – دەيدى ول.

ءىس-شاراعا بارلىق وڭىرلەردەن 50-دەن استام تاۋەلسىز بىرلەستىكتەردىڭ وكىلدەرى قاتىستى، ولاردىڭ اراسىندا ەرلان سايروۆ، باعدات قوجاحمەتوۆ، ءاليا سادىرباەۆا، مارات شيبۋتوۆ، مارال ەرعازينا، يلمار حۋساينوۆ بار.

ەستەرىڭىزگە سالا كەتەيىك، كانديداتتاردى ۇسىنۋ جانە تىركەۋ 17 تامىزدا باستالدى جانە ول 28 تامىزعا دەيىن جالعاسادى. ۇگىت-ناسيحاتقا دايىندالۋ ءۇشىن كانديداتتارعا 31 تامىزدان 6 قىركۇيەككە دەيىن 7 كۇن بولىنەدى. 7 قىركۇيەك پەن 3 قازان ارالىعىندا كانديداتتاردىڭ ۇگىت-ناسيحات جۇمىستارى، سونىڭ ىشىندە 14-30 قىركۇيەك ارالىعىندا كوپشىلىككە جاريا دەباتتار وتەدى. دەباتتار "پرايمەريز" ارنايى اقپاراتتىق جۇيەسى ارقىلى پارتيانىڭ رەسمي اككاۋنتتارىندا كورسەتىلەدى.

تولىق اقپاراتتى https://primaries.kz/ سايتىنان بىلۋگە بولادى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار