رۋبيك كۋبيكتەرىنەن ۇلى ابايدىڭ پورترەتىن جاساعاننان كەيىن كەڭىنەن تانىمال بولعان ەلوردالىق جوعارى وقۋ ورىندارىنىڭ ءبىتىرۋشى كۋرس ستۋدەنتتەرى تىنىسبەك ءبوپىشتاي مەن قانات احمەتراسۋل ارنايى تاقتاعا اگەنتتىكتىڭ لوگوتيپى مەن 1424 سall-ورتالىعىنىڭ ءنومىرى كورسەتىلگەن سۋرەتتى سالدى.
ولاردىڭ كاسىبي دەڭگەيدە ورىندالعان شىعارمالارى – رۋبيك كۋبيكىنەن جاسالعان اباي قۇنانباەۆ, ءشامشى قالداياقوۆ, جاقسىلىق ۇشكەمپىروۆتىڭ پورترەتتەرىنە جۇرتشىلىق ءتانتى بولدى.
سىبايلاس جەمقورلىققا قارسى قىزمەتكە ارنالعان ۇزىندىعى 1,6 مەتر, ەنى 1,1 مەتر اقپاراتتىق پولوتنونى جاس دارىندى جىگىتتەر 2 ساعات ىشىندە جينادى.
ت.ءبوپىشتاي قوعامدا سىبايلاس جەمقورلىققا قارسى مادەنيەتتى قالىپتاستىرۋ جونىندەگى جۇمىسقا قاتىسۋدى ءوزىنىڭ ازاماتتىق پارىزى دەپ سانايتىنىن اتاپ ءوتتى. ول سونداي-اق ءوز قۇرداستارى مەن بارلىق وتانداستارىن پاراساتتى بولۋعا جانە سىبايلاس جەمقورلىقسىز قازاقستاندى بىرگە قۇرۋعا شاقىردى.
