قوعام • 20 تامىز، 2020

قازاقستاندىق تانكىشىلەر "تانك بياتلونى" سايىسىنىڭ العاشقى جارىسىنا دايىندالۋدا

17 رەت كورسەتىلدى

ماسكەۋ ماڭىنداعى "الابينو" پوليگونىندا قازاقستاندىق كوماندا تانك بياتلونىنا جارىسىندا تانكىشىلەر ونەر كورسەتەتىن تەحنيكانى قابىلداۋدى باستادى، - دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

جەرەبە ناتيجەسىندە قازاقستان كومانداسى سارى تۇسكە بويالعان ءتورت تانكىگە يە بولدى. كونكۋرس ۇيىمداستىرۋشىلارى - رەسەيلىك تاراپتان ۇسىنىلعان تەحنيكانى تەحنيكالىق قامتاماسىز ەتۋ توبى وفيتسەرلەرىنىڭ باسشىلىعىمەن ەپيپاجدار  قابىلدادى.

قابىلداۋ بارىسىندا تانكىلەردىڭ تەحنيكالىق جاعدايى، جاۋىنگەرلىك ماشينانىڭ بولىكتەرى جانە مەحانيزمدەرىنىڭ جارامدىلىعى مەن قابىلەتتىلىگى تەكسەرىلدى. سونىمەن قاتار تانكتەردىڭ تەحنيكالىق قامتاماسىز ەتىلۋى جانە پايدالانۋ الدىنداعى دايىندىققا نازار اۋدارىلدى.

قازاقستاندىق اسكەري قىزمەتشىلەر جاۋىنگەرلىك ماشينالاردىڭ جاعدايى قاناعاتتانارلىق ەكەندىگىن جانە «تانك بياتلونى» سايىسى اياسىنداعى بارلىق تاپسىرمالاردى ورىنداۋعا مۇمكىندىك بەرەتىنىن اتاپ ءوتتى.

جارىس باستالماس بۇرىن قازاقستاندىق تانكىشىلەرگە قارۋ-جاراقتىڭ دايىندىعى مەن دالدىگىن دۇرىستاپ، تانك بياتلونى تراسساسىنىڭ باعىتىن مۇقيات زەردەلەۋ قاجەت.

ەسكە سالا كەتەيىك، ارميا حالىقارالىق ويىندارى-2020 اياسىندا وتكىزىلەتىن «تانك بياتلونى» حالىقارالىق جارىسى 23 تامىز - 5 قىركۇيەك ارالىعىندا «الابينو» پوليگونىندا وتەدى. قازاقستاندىق كوماندا العاشقى جەكە جارىسىن 25 تامىز كۇنى  باستاپ، قىرعىزستان، رەسەي جانە وزبەكستان تانكىشىلەرىمەن بىرگە ءبىر توپتا ونەر كورسەتەدى. جالپى سايىسقا 16 ەلدىڭ تانك ەكيپاجدارى قاتىسادى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار