ەلوردادا قانداي سپورت نىساندارىنا جوندەۋدەۋ جمىستارى جاسالىپ جانە سپورتتىق نىسانداردىڭ قۇرىلىسى تۋرالى نۇر-سۇلتان قالاسىنىڭ دەنە شىنىقتىرۋ جانە سپورت ءبولىمى حابارلادى.
قالادا "جۇمىسپەن قامتۋدىڭ جول كارتاسى" باعدارلاماسى بويىنشا ءۇش سپورت نىسانىندا جوندەۋ جۇمىستارى جۇرگىزىلۋدە. وسىلايشا, "تولقىن" سپورت كەشەنى اعىمداعى جوندەۋدەن وتۋدە. قازىرگى ۋاقىتتا كەشەننىڭ شاتىرىن كۇردەلى جوندەۋدەن اياقتالدى. "استانا ارەنا" ستاديونىندا فۋتبول الاڭدارى, كيىم اۋىستىراتىن بولمەلەر مەن كىرەبەرىستەر جاڭارۋدا.
سونداي-اق, نۇر-سۇلتان قالاسىنداعى "قازاقستان" سپورت سارايىن اقىلدى تەحنولوگيالاردى قولدانا وتىرىپ مودەرنيزاتسيالاۋ جانە پايدالانۋعا بەرۋ جوباسى جاسالۋدا. قازىر جوبا قۇجاتتامانى بەكىتۋ كەزەڭىندە.
جالپى, "جۇمىسپەن قامتۋدىڭ جول كارتاسى-2020" مەملەكەتتىك باعدارلاماسى اياسىندا ەلوردادا 15 مىڭ جاڭا جۇمىس ورنى قۇرىلدى.
"قازانات" يپپودرومى اۋماعىندا يپپوتەراپيا ءادىسىن قولدانا وتىرىپ, مۇگەدەك بالالاردى وڭالتۋ ءۇشىن ات سپورتى ورتالىعىن سالۋ جۇمىستارى جۇرگىزىلۋدە. ونىڭ سىيىمدىلىعى 250 ادامعا ارنالعان. نىساندا 600 ورىن بار. جوبا جەكە قارجىلىق باستاما بويىنشا مەملەكەتتىك-جەكەمەنشىك سەرىكتەستىك اياسىندا جۇزەگە اسىرىلۋدا.
IAAF حالىقارالىق جەڭىل اتلەتيكا فەدەراتسيالار قاۋىمداستىعىنىڭ تالاپتارىنا تولىق سايكەس, جابىق ءۇي-جايلاردا جەڭىل اتلەتيكا بويىنشا حالىقارالىق جانە رەسپۋبليكالىق جارىستاردى وتكىزەتىن جەڭىل اتلەتيكا سپورت كەشەنى پايدالانۋعا بەرىلەدى. بۇل نىساننىڭ اشىلۋىمەن ەلوردادا سپورتشىلاردى حالىقارالىق جارىستارعا, سونىڭ ىشىندە الەم چەمپيوناتتارى مەن جازعى وليمپيادا ويىندارىنا دايىنداۋعا ارنالعان زاماناۋي جوعارى تەحنولوگيالىق بازا پايدا بولادى.
يلينكا, كوكتال-2, ءوندىرىس, جەلەزنودوروجنىي تۇرعىن الاپتارىندا ءتورت دەنە شىنىقتىرۋ-ساۋىقتىرۋ كەشەنى سالىنۋدا.
ايتا كەتەيىك, نۇر-سۇلتاندا بۇگىندە 30 ءىرى سپورت نىسانى جۇمىس ىستەيدى, ونىڭ 18-ءى مەملەكەتتىك, 12-ءسى جەكە مەنشىك.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
