قوعام • 19 تامىز، 2020

"Nur Otan" پرايمەريزىندە كىم بايقاۋشى بولادى؟

48 رەت كورسەتىلدى

"Nur Otan" پارتياسىندا پارتياىشىلىك پرايمەريزدە داۋىس بەرۋدى بايقاۋشىلاردىڭ مىندەتتەرى مەن وكىلەتتىكتەرىن ايقىندايتىن ەرەجە بەكىتىلدى. بۇل تۋرالى پارتيا توراعاسىنىڭ ءبىرىنشى ورىنباسارى باۋىرجان بايبەك Facebook-تەگى پاراقشاسىندا جازدى، - دەپ حابارلايدى Egemen.kz.

"قۇرمەتتى دوستار! بۇگىندە ەلباسى، پارتيا ليدەرى نۇرسۇلتان نازارباەۆتىڭ باستاماسىمەن قولعا الىنعان "Nur Otan"-نىڭ پارتياىشىلىك سايلاۋىنا قاتىسۋعا بۇكىل ەل بويىنشا ۇمىتكەرلەردى ۇسىنۋ مەن تىركەۋ ءجۇرىپ جاتقانىن جاقسى بىلەسىزدەر.

تەك العاشقى ەكى كۇننىڭ وزىندە 3209 ازامات ءوتىنىش بەردى. ولاردىڭ 1138-ءى – ايەلدەر، ونىڭ ىشىندە 48-ءى – كوپ بالالى انا. 788 كانديدات – 35 جاسقا دەيىنگى جاستار، سونداي-اق 31-ءى – ەرەكشە قاجەتتىلىكتەرى بار ازامات. باستاۋىش پارتيا ۇيىمدارى ارقىلى 1079 ادام ۇسىنىلسا، 2130 كانديدات – ءوزىن-ءوزى ۇسىنعاندار.

كەز كەلگەن سايلاۋ پروتسەسىنىڭ ايقىندىعى مەن لەگيتيمدىلىگىنىڭ اجىراماس بەلگىلەرىنىڭ ءبىرى تاۋەلسىز بايقاۋشىلاردىڭ قاتىسۋى بولىپ تابىلادى. سوندىقتان ءبىز وڭىرلەردەگى پارتيالىقتارمەن بىرگە جان-جاقتى تالقىلاي وتىرىپ، بايقاۋشىلاردىڭ مىندەتتەرى مەن وكىلەتتىكتەرىن انىقتايتىن ەرەجەنى بەكىتتىك.

سونىمەن، كانديداتتىڭ سەنىم بىلدىرگەن تۇلعاسى (پارتيا مۇشەسى) بايقاۋشى بولا الادى.

داۋىس بەرۋ كۇنى ول داۋىستاردى ساناۋ راسىمدەرى مەن ۋچاسكەلەردە داۋىس بەرۋ قورىتىندىلارىن رەسىمدەۋدى باقىلاۋعا، تاسىمالداناتىن ۋرنالاردىڭ قاسىندا جۇرۋگە، ۇسىنىستار بەرۋگە جانە ەسەپ كوميسسياسىنىڭ شەشىمدەرى بويىنشا شاعىم جاساۋعا، سونداي-اق پايدالانىلماعان بيۋللەتەندەردى جويۋ كەزىندە باسىندا بولۋعا قۇقىلى. فوتو جانە بەينەجازبا جاساۋعا رۇقسات ەتىلەدى.

بۇزۋشىلىق فاكتىلەرىن انىقتاعان جاعدايدا بايقاۋشى ەسەپ كوميسسياسىنىڭ مۇشەلەرىن حاباردار ەتەدى. ولقىلىقتار جويىلماعان نەمەسە نەگىزدەلگەن باس تارتۋ ۇسىنىلماعان جاعدايدا، ول ايماقتىق جانە اۋماقتىق پارتيالىق باقىلاۋ كوميسسياسىنا شاعىمدانۋعا قۇقىلى.

اتالعان ورىننىڭ بەرگەن قاراستىرۋ ناتيجەلەرىمەن كەلىسپەگەن جاعدايدا، بايقاۋشى شاعىمدى [email protected] ەلەكتروندى پوچتاسى بويىنشا ورتالىق پارتيالىق باقىلاۋ كوميتەتىنە جولداي الادى. ول ەكى كۇن ىشىندە تۇپكىلىكتى شەشىم شىعارۋعا مىندەتتى. سونداي-اق 8 (800) 080 4441 ارنايى جەدەل جەلىسى ۇيىمداستىرىلعان.

سونىمەن قاتار ونلاين-داۋىس بەرۋ وتكىزۋ ءۇشىن ءبىز وتاندىق ءىت-ماماندارمەن بىرلەسىپ "پرايمەريز" اقپاراتتىق جۇيەسىن ازىرلەدىك. ول سايلاۋ بارىسىنا قانداي دا ءبىر زاڭسىز ارالاسۋ نەمەسە كەنەتتەن "ىركىلىپ" قالۋ ىقتيمالدىعىنا جول بەرمەي، داۋىستاردى ناقتى ۋاقىت رەجيمىندە ساناۋ مۇمكىندىگىن كوزدەيدى.

جالپى، قازىرگى كەزدە اشىق تا ءادىل پارتياىشىلىك سايلاۋدىڭ وتۋىنە قاجەتتى بارلىق جاعداي جاسالعان. پارتيا ليدەرى نۇرسۇلتان نازارباەۆ پرايمەريز باستالار كۇنى اتاپ وتكەندەي، باستىسى – ايقىندىق پەن تازالىقتى، بارلىق قاتىسۋشىلارعا تەڭ مۇمكىندىك پەن باسەكەلەستىكتى قامتاماسىز ەتۋ.

تاعى دا بارشاڭىزدى پرايمەريزگە قاتىسۋعا شاقىرامىن. ۇمىتكەرلەردى ۇسىنۋ مەن تىركەۋ مەرزىمىنىڭ بىتۋىنە نەبارى ءبىر اپتادان استام ۋاقىت قالدى.

بايقاۋشىلارعا ارنالعان ەرەجەمەن تولىعىراق nurotan.kz جانە primaries.kz سايتتارىندا ورنالاستىرىلعان نۇسقاۋلىقتان تانىسۋعا بولادى"، - دەپ جازدى باۋىرجان بايبەك.

ەسكە سالا كەتەيىك، نۇرسۇلتان نازارباەۆتىڭ تاپسىرماسىمەن "Nur Otan" پرايمەريزى تۇڭعىش رەت رەسپۋبليكالىق پارتياىشىلىك سايلاۋ اۋقىمىندا وتەدى. بۇل – ەلباسىنىڭ باستاماسىمەن قولعا الىنعان "سەنىم. ديالوگ. بولاشاققا نىق قادام" پارتيا جۇمىسىن "قايتا جانداندىرۋ" باعدارلاماسىنىڭ قورىتىندى كەزەڭدەرىنىڭ ءبىرى.

پرايمەريزگە قاتىسۋ ءۇشىن ءوتىنىشتى https://primaries.kz/ سايتىندا "پرايمەريز" اقپاراتتىق جۇيەسى ارقىلى ونلاين جولداۋعا نەمەسە اۋماقتىق ۇيىمداستىرۋ كوميتەتتەرىنە جەكە ءوتىنىش بەرۋگە بولادى. كانديداتتاردى ۇسىنۋ جانە تىركەۋ 28 تامىزعا (قوسا ەسەپتەگەندە) دەيىن جالعاسادى.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار