اسىرەسە, كامەلەتكە تولماعانداردىڭ ىستەرى جونىندەگى ينسپەكتورلار قازىر ءوز جۇمىستارىن قاۋىرت رەجىمگە اۋىستىرعان. رەيدتىك ءىس-شارالار وتكىزىپ, سوندايدىڭ بىرىندە يۋۆەنالدىق پوليتسەيلەر ساعات 23-تەن كەيىن ينتەرناتسيونالنىي كوشەسى بويىنداعى جالدامالى پاتەرلەردىڭ بىرىنە باس سۇقتى. پاتەردە ون ەكى ادام بولعان, ۇستەلدىڭ ۇستىندە سپيرتتىك ىشىمدىكتەر تۇرعان. جينالعانداردىڭ ۇشەۋى عانا ەر جەتكەندەر.
پوليتسەيلەر ەنگىزىلگەن كارانتيندىك شەكتەۋلەردى بۇزعانى ءۇشىن ولارعا ماتەريال جيناقتاپ, سانيتارلىق-ەپيدەميالىق قىزمەتكە جولدادى. توعىز ءجاسوسپىرىمنىڭ اتا-اناسىنا بالالارىنىڭ تۇنگى ۋاقىتتا ۇيدەن تىس جەردە بولعانى ءۇشىن, تاعى بىرەۋىنە – بالاسىنىڭ الكوگولدىك ىشىمدىك ىشكەنى ءۇشىن جاۋاپ بەرۋلەرىنە تۋرا كەلەدى. "كارانتيندىك شەكتەۋلەر كەزەڭىندە مەكتەپتەن تىس ءبىلىم بەرۋ ۇيىمدارى جۇمىس ىستەمەيدى جانە بالالاردىڭ بوس ۋاقىتتارىن وتكىزۋ ۇيىمداستىرىلماعان", - دەيدى پەتروپاۆل قالاسى پب يۋۆەنالدىق پوليتسيا ءبولىمىنىڭ باستىعى, پوليتسيا مايورى ەلميرا ابۋشەۆا. "يۋۆەنالدىق پوليتسيا قىزمەتكەرلەرى بارىنشا پروبلەمالى جانۇيالاردى نازارلارىندا ۇستايدى. ايتا كەتەتىنى, جالعا الىنعان پاتەردە انىقتالعان جاسوسپىرىمدەر بۇرىندارى پوليتسيا نازارىنا ىلىكپەگەن. بۇل وقيعانىڭ ولارعا ساباق بولاتىنىنا جانە ەرەسەك ومىرگە اياق باسۋى جاۋاپكەرشىلىكتەن باستالاتىن ەستەرىنەن شىعارمايدى دەپ سەنەمىز", دەيدى ول.
كارانتيندىك شەكتەۋلەر جەڭىلدەتىلگەنىمەن پوليتسەيلەر, پەداگوگتار مەن اتا-انالار بالالاردىڭ بوس ۋاقىتتارىن وتكىزۋلەرىنە باقىلاۋدى كۇشەيتۋ قاجەت ەكەنىن جاقسى تۇسىنۋلەرى كەرەك. ولاردىڭ بىرلەسكەن باسقوسۋلاردى مىندەتتى تۇردە سپيرتتىك ىشىمدىكتەرمەن وتكىزۋ قاجەت دەلىنەتىن ادەتتەرىنىڭ بۇزىلۋىنا بارلىق قوعامىمىز مۇددەلى بولۋى كەرەك دەيدى پوليتسەيلەر.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
