ەلوردالىق جۇمىسپەن قامتۋ ورتالىعى جۇمىس ىزدەپ جۇرگەن جاس مامانداردى «ەڭبەك» باعدارلاماسى اياسىندا «جاستار تاجىريبەسى» باعىتى بويىنشا جۇمىسقا ورنالاسۋعا شاقىرادى.
بۇل سوڭعى ءۇش جىلدا وقۋ بىتىرگەن تۇلەكتەرگە ارنالعان جۇمىسسىز جاستار ءۇشىن ارنالعان باعدارلاما. جۇمىسقا تۇرۋشىنىڭ جاسى جيىرما توعىزدان اسپاۋى قاجەت.
جاستار پراكتيكاسىنا قاتىسقاندارعا جۇمىسپەن قامتۋ ورتالىعى اي سايىن - 89 540 تەڭگە ەڭبەكاقى تولەيدى, الەۋمەتتىك اۋدارىمداردى ەسكەرسەك - 76 801 تەڭگەنى قۇرايدى.
جاستار پراكتيكاسى ۋاقىتشا جۇمىس. ۇزاقتىعى التى ايدان اسپايدى. ەگەر مامان ءوزىن دالەلدەسە, وندا تۇراقتى جۇمىسقا ورنالاسۋ مۇمكىندىگى بار.
«جاستار پراكتيكاسىنا قاتىسۋ ءۇشىن جۇمىسسىزدار جۇمىسپەن قامتۋ ورتالىقتارىنا قۇجات تاپسىرادى: جەكە باسىن كۋالاندىراتىن قۇجاتتىڭ كوشىرمەسى; ەڭبەك كىتاپشاسىنىڭ كوشىرمەسى (بار بولسا); تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى وقۋ ورنىنان كەيىنگى ءبىلىمنىڭ بولۋىن راستايتىن قۇجاتتىڭ كوشىرمەسى», - دەلىنگەن جۇمىسپەن قامتۋ ورتالىعىندا.
جاستار پراكتيكاسىنان ءوتۋ مەرزىمى ەڭبەك كىتاپشاسىنا جازىلادى. مەرزىمى اياقتالعاننان كەيىن, جۇمىس بەرۋشى جاستار پراكتيكاسىنا قاتىسۋشىعا ونىڭ ءوتىنىشى بويىنشا ۇسىنىس حات بەرەدى.
ۇسىنىلعان بوس جۇمىس ورىندارى مەن ۇيىمداردىڭ ءتىزىمىن ورتالىقتىڭ سايتىندا. جاستار پراكتيكاسىنا قاتىسۋ ءۇشىن +7 775 654 0790, +7 705 329 7719, + 717 257 89 12, +717 257 89 34 نومىرىنە حابارلاسۋعا نەمەسە proftest.cz@mail.ru ەلەكتروندى پوشتاسىنا حات جولداۋعا بولادى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
