«قۇجاتقا سايكەس, ەل كونستيتۋتسياسىنىڭ 106-بابى, «بەلارۋس رەسپۋبليكاسىنىڭ مينيسترلەر كەڭەسى تۋرالى» 2008 جىلعى 23 شىلدەدەگى №424-ز زاڭىنىڭ 9-بابى بويىنشا بەلارۋس ۇكىمەتى پرەزيدەنت جاڭادان سايلانعان سوڭ ءوز وكىلەتتىگىن توقتاتتى», دەلىنگەن اگەنتتىك تاراتقان اقپاراتتا.
شەشىم قابىلدانعان كۇننەن باستاپ ءوز كۇشىنە ەنەدى. مەملەكەت باسشىسى الەكساندر لۋكاشەنكو بۇعان دەيىن ۇكىمەتتىڭ ودان ءارى قاراي جۇمىس ىستەۋى ءۇشىن قۇجاتتاردى دەرەۋ دايىنداۋدى تاپسىرعان بولاتىن. سول كەزدە پرەزيدەنت نەگىزىنەن ۇكىمەت قايتا جاساقتالعانىن اتاپ ءوتتى.
سونداي-اق ا.لۋكاشەنكو مينسكىدەگى زاۋىتتاردىڭ بىرىنە بارىپ جۇمىسشىلارمەن كەزدەستى. ول ءوندىرىس ورنىن ارالاپ جۇمىس بارىسىمەن تانىسىپ, قىزمەتكەرلەرمەن سويلەستى. پرەزيدەنت ەلدەگى, زاۋىتتارداعى نارازىلىق تۋرالى پىكىرىن ءبىلدىردى. الەكساندر لۋكاشەنكو ەلدەگى بيلىكتى كوشە اكتسيالارى ارقىلى ەمەس, كونستيتۋتسيالىق پروتسەسس ارقىلى قايتا بولۋگە بولاتىنىن مالىمدەدى. پرەزيدەنت قازىرگى جاعدايدا ينتەرنەتتەگى كەيبىر اقپارات كوزدەرىنە سۇيەنبەي, سالماقتى شەشىمدەر قابىلداۋعا شاقىرادى.
