پەتروپاۆل قالاسىنىڭ تۇرعىنى ءبىرىنشى پوليتسيا ءبولىمى قىزمەتكەرلەرىنىڭ اتىنا العىس ايتتى. قالا تۇرعىنى ۇلىنىڭ تۋعان كۇنىنە سىيلىق رەتىندە سكۋتەر ساتىپ العان. الايدا, ول كوپ ۇزاماي قولدى بولدى. ءتارتىپ ساقشىلارى ۇرلىقتى ء"ىزىن سۋىتپاي" اشتى. قالالىق پوليتسياعا قالانىڭ ءتۇرلى ىقشام اۋداندارىندا ءبىر تۇندە سكۋتەرلەردىڭ ۇرلانعانى تۋرالى ەكى ارىز كەلىپ تۇسكەن. ءبىرىنشى پوليتسيا ءبولىمىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزىپ, ناتيجەسىندە كۇدىكتىلەر انىقتالدى جانە ۇستالدى. تەكسەرۋ بارىسىندا ولاردىڭ "ۆاز-2110" اۆتوكولىگىنىڭ ايداپ اكەتىلۋىنە جانە باسقا دا م ۇلىكتىك قىلمىستارعا قاتىسى بار ەكەنى بەگىلى بولدى.
پەتروپاۆل قالاسى پب ءبىرىنشى پوليتسيا ءبولىمىنىڭ باستىعى تىلەگەن ءالجانوۆ ناقتىلاعانداي, كۇدىكتىلەر قالا بويىنشا وتكىزىلگەن اۋقىمدى ءىس-شارالار بارىسىندا اشكەرەلەنگەن. كۇدىكتىلەر بۇرىن م ۇلىكتىك قىلمىستار ءۇشىن سوتتالعان وبلىس ورتالىعىنىڭ 1990, 1992 جىلعى قالا تۇرعىندارى بولىپ شىقتى. قازىرگى ۋاقىتتا كۇدىكتىلەر پەتروپاۆل قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا كامالدى. اتالعان فاكتىلەر سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى, تەرگەۋ ارەكەتتەرى جۇرگىزىلۋدە.
جاۋاپ الۋ كەزىندە ۇستالعاندار سكۋتەرلەردىڭ ەشتەڭەمەن بەكىتىلمەگەنىن جانە وتالدىرا الماعاندارىن ايتتى. ناتيجەسىندە, ولاردى ساتىپ جىبەرۋ ءۇشىن سۇيرەپ اكەتكەن. ۇرلانعان كولىكتەر كۇدىكتىلەردىڭ ءبىرىنىڭ تۋىستارىنىڭ ءۇيىنىڭ اۋلاسىنان تابىلىپ, يەلەرىنە قايتارىلدى.
ريزا بولعان تۇرعىندار ساقشىلاردىڭ جۇمىسى ءۇشىن العىستارىن ايتۋدا: "سكۋتەردى ءبىر اي بۇرىن العانبىز. اڭعالدىعىمىزدىڭ كەسىرىنەن ءۇيدىڭ اۋلاسىندا قالدىرعان ەدىك. ءبىر ساعاتتان سوڭ شىعىپ ەدىك, تاپپاي قالدىق. بىردەن "102" ءنومىرىن تەردىك. ءبىرىنشى پوليتسيا ءبولىمىنىڭ قىزمەتكەرلەرى تەز ارادا كەلىپ قالدى. ال, كەلەسى كۇنى پوليتسەيلەر بىزگە قوڭىراۋ شالىپ, تابىلعانىن ايتىپ قۋانتتى. ءتىپتى ءوز ماشينالارىمەن ءبىزدى سكۋتەر تابىلعان جەرگە جەتكىزىپ سالىپ, قولىمىزعا تابىس ەتتى. قىرۋار جۇمىس اتقارعانى جانە ەش بۇزىلماعان قالپىندا وزىمىزگە تاپسىرعانى ءۇشىن ولارعا ايتامىز", دەيدى قالا تۇرعىنى الەكساندرا اگەەۆا. پوليتسەيلەر حالىقتى م ۇلىكتەرىنە ساق بولۋعا, ايداپ اكەتۋگە قارسى قۇرىلعىلاردى قولدانۋعا, سونداي-اق تۇنگى ۋاقىتتا قوس دوڭگەلەكتى كولىكتى بەينەباقىلاۋ كامەرالارى بار جەرگە قويۋعا كەڭەس بەرەدى.
