ارحيمەد مۇحامبەتوۆ مەديتسينا قىزمەتكەرلەرى ادام دەنساۋلىعى ءۇشىن الدىڭعى قاتاردا ەكەنىن اتاپ ءوتتى.
"قازىر بۇكىل الەم كوروناۆيرۋستىق ينفەكتسيانىڭ تارالۋىنان تۋىنداعان قيىن كەزەڭدى باستان وتكەرىپ جاتىر. سىزدەر, مەديتسينا قىزمەتكەرلەرى, ادامداردىڭ دەنساۋلىعى ءۇشىن الدىڭعى قاتاردا بولدىڭىزدار جانە ءالى دە كۇرەسىپ كەلەسىزدەر", – دەدى ءوڭىر باسشىسى.
بۇگىنگى تاڭدا وبلىستىڭ دەنساۋلىق ساقتاۋ جۇيەسىندە 15 مىڭنان استام مەديتسينا قىزمەتكەرى, ونىڭ ىشىندە 1800 دارىگەر جانە 6 مىڭنان استام ورتا مەديتسينا قىزمەتكەرى جۇمىس ىستەيدى.
وبلىستىڭ مىڭنان استام مەديتسينا قىزمەتكەرى كۆي دياگنوستيكاسى جانە ەمدەۋ جۇمىستارىنا تارتىلعان. بۇل رەتتە, COVID-19-بەن كۇرەسكە تارتىلعان ادامدار 2 ملرد تەڭگەدەن استام تولەم الدى.
سونىمەن قاتار, مامانداردى تارتۋ بويىنشا جۇمىستار جۇرگىزىلىپ جاتىر.
2019 جىلى قوستاناي وبلىسىنا 265 دارىگەر كەلدى, اعىمداعى جىلى 227 دەنساۋلىق ساقتاۋ قىزمەتكەرىن تارتۋ جوسپارلانىپ وتىر.
كەلگەن دارىگەرلەرگە كوتەرمە جاردەماقى تولەۋ جانە تۇرعىن ءۇي ءبولۋ تۇرىندە قولداۋ شارالارى كورسەتىلەدى.
كەزدەسۋ سوڭىندا وبلىس اكىمى مەديتسينا قىزمەتكەرلەرىنە العىسىن ءبىلدىردى.
ء"اربىر مەديتسينا قىزمەتكەرىنە ماماندىققا ادالدىعى, اجالدان امان الىپ قالىنعان ومىرلەر مەن ۇلت دەنساۋلىعىن ساقتاۋعا قوسقان ۇلەسى ءۇشىن شىن جۇرەكتەن العىسىمدى بىلدىرگىم كەلەدى", – دەدى ارحيمەد مۇحامبەتوۆ.
"قۇرمەت" وردەنىمەن ماراپاتتالعان قوستاناي وبلىستىق جەدەل جاردەم ستانتسياسىنىڭ باس دارىگەرى يرينا شتەيگەرۆالد قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆقا قامقورلىعى مەن قولداۋى ءۇشىن العىسىن ءبىلدىردى.
ء"بىرىنشى كەزەكتە ەلىمىزدىڭ پرەزيدەنتى قاسىم-جومارت كەمەل ۇلى توقاەۆقا قامقورلىق پەن قولداۋى ءۇشىن العىسىمدى بىلدىرگىم كەلەدى. مەنىڭ جۇمىسىمدى جوعارى باعالاعانىما شىن جۇرەكتەن قۋانىشتىمىن", – دەدى جەدەل جاردەم ستانتسياسىنىڭ باس دارىگەرى.
سونىمەن قاتار, ول پاندەميا مەديتسينا قىزمەتكەرلەرىنە كوماندالىق جۇمىستى ۇيرەتكەنىن اتاپ ءوتتى.
"مۇنداي قيىن ۋاقىتتا, پاندەميا جاعدايىندا جۇمىس ىستەۋ ءبىزدى ءار پاتسيەنتكە كوپ كوڭىل بولۋگە ۇيرەتتى, بىراق, ءبىز, ەڭ باستىسى – كوماندادا جۇمىس ىستەۋدى ۇيرەندىك. مەن بۇگىن وسىنداي جوعارى ماراپاتقا يە بولعانداردىڭ ارقايسىسىن ماقتان تۇتامىن", – دەدى يرينا شتەيگەرۆالد.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
