"HR-Process" جۇيەسى پەدوگوگيكالىق بوس ورىنعا ءوتىنىش بەرۋ جانە وڭدەۋ بارىسىن اۆتوماتتاندىرۋعا, ۇمىتكەرلەر مەن بوس ورىنداردىڭ دەرەكتەر قورىن قۇرۋعا, سونىمەن قاتار, زاماناۋي اقپاراتتىق تەحنولوگيالاردى قولدانۋ نەگىزىندە پەداگوگيكالىق قۇرامدى ىرىكتەۋ پروتسەسىنىڭ تيىمدىلىگىن ارتتىرۋعا ارنالعان.
پەداگوگيكالىق قۇرامدى ىرىكتەۋدى اۆتوماتتاندىرۋدىڭ ماقساتى مەن ارتىقشىلىعى ۇمىتكەردى تاڭداۋدا مەريتوكراتيا, جاريالىق جانە ايقىندىق قاعيدالارىن ساقتاۋدى نازارعا الادى.
جۇيە كونكۋرستىق ادىسكە نەگىزدەلەدى. پەداگوگيكالىق قىزمەتكە ۇزدىك كادرلاردى ىرىكتەپ الۋعا مۇمكىندىك بەرەدى. جەمقورلىقتىڭ الدىن الادى. ارنايى كوميسسيا قۇرامىنا ءبىلىم ۇيىمىنىڭ ديرەكتورى, ءپان مۇعالىمدەرى, پسيحولوگ كىرەدى. الەۋمەتتىك جەلىلەردە كونكۋرستىق كوميسسيا وتىرىسىنىڭ ونلاين ترانسلياتسياسى جۇرگىزىلەدى.
كونكۋرستىڭ بارلىق ناتيجەلەرى سايتتا اشىق, قولجەتىمدى شىعارىلادى. كادرلاردى ىرىكتەۋدىڭ اشىق جانە وبەكتيۆتى جۇيەسى – ءبىلىم سالاسىنا ۇزدىك مامانداردى تارتۋدىڭ كەپىلى.
ايتا كەتسەك, جاڭا جۇيەگە 1 تامىزدان باستاپ 137 مەكتەپ, 88 بالاباقشا قوسىلدى. سونداي-اق, 51 بوس ورىن جاريالانىپ, 33 ءوتىنىش بەرىلدى.
شىمكەنت قالاسى ءبىلىم مەكەمەلەرىنىڭ بارلىق بوس ورىندارى www.hr-process.kz. سايتىندا.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
