قوعام • 17 تامىز، 2020

العاشقى ساعاتتاردا "Nur Otan" پرايمەريزىنە قاتىسۋعا 500-گە جۋىق ادام ءوتىنىش بەردى

172 رەت كورسەتىلدى

پارتياىشىلىك ىرىكتەۋ – "Nur Otan"-نىڭ پرايمەريزىنە قاتىسۋشىلاردى تىركەۋ باستالدى. العاشقى بىرنەشە ساعات ىشىندە 500-گە جۋىق ادام پرايمەريزگە قاتىسۋعا نيەت ءبىلدىردى، - دەپ حابارلايدى Egemen.kz پارتيانىڭ ءباسپاسوز قىزمەتىنە سىلتەمە جاساپ.

157 ءوتىنىش جولداعان قوستاناي وبلىسىنداعى پارتيالىقتار بەلسەندىلىك تانىتتى. اقمولا وبلىسىنداعى پارتيا مۇشەلەرىنەن 110 ءوتىنىش كەلىپ ءتۇستى. باستاۋىش پارتيا ۇيىمدارى 129 ادامدى ۇسىنسا، 342 ادام (72،6%) – ءوزىن-ءوزى ۇسىنعان كانديداتتار.

پرايمەريزگە قاتىسۋ ءۇشىن ءوتىنىشتى https://primaries.kz/ سايتىندا «پرايمەريز» اقپاراتتىق جۇيەسى ارقىلى ونلاين جولداۋعا نەمەسە اۋماقتىق ۇيىمداستىرۋ كوميتەتتەرىنە جەكە ءوتىنىش بەرۋگە بولادى. كانديداتتاردى ۇسىنۋ جانە تىركەۋ 28 تامىزعا (قوسا ەسەپتەگەندە) دەيىن جالعاسادى. 

ەسكە سالا كەتەيىك، ليدەرى نۇرسۇلتان نازارباەۆتىڭ تاپسىرماسىمەن «Nur Otan» پرايمەريزى ەلىمىزدىڭ پارتيالىق-ساياسي دامۋ تاريحىندا تۇڭعىش رەت رەسپۋبليكالىق پارتياىشىلىك سايلاۋ اۋقىمىندا وتەدى. بۇل – ەلباسىنىڭ باستاماسىمەن قولعا الىنعان «سەنىم. ديالوگ. بولاشاققا نىق قادام» پارتيا جۇمىسىن «قايتا جانداندىرۋ» باعدارلاماسىنىڭ قورىتىندى كەزەڭدەرىنىڭ ءبىرى. 

كانديداتتار پرايمەريزگە باستاۋىش پارتيا ۇيىمىنىڭ اتىنان نەمەسە ءوزىن-ءوزى ۇسىنۋ جولىمەن دە قاتىسۋى مۇمكىن. بۇل رەتتە پارتيانىڭ قۇندىلىقتارىن ۇستاناتىن جانە سايلاۋ قۇقىعى بار كەز كەلگەن ازامات ۇمىتكەر بولا الادى. ول ءۇشىن پرايمەريزگە قاتىسۋشىلاردى تىركەۋ مەرزىمى اياقتالعانعا دەيىن «Nur Otan»-نىڭ قاتارىنا قوسىلۋ كەرەك.

پرايمەريزدىڭ نەگىزگى ماقساتى – الداعى ءماجىلىس پەن بارلىق دەڭگەيدەگى ءماسليحاتتار سايلاۋىنا پارتيالىق تىزىمدەرگە ەنگىزۋ ءۇشىن قوعامنىڭ سەنىمى مەن قولداۋىنا يە بولعان بەدەلدى پارتيا كوشباسشىلارىن انىقتاۋ.

سونىمەن، كانديداتتاردى ۇسىنۋ جانە تىركەۋ 17 تامىزدان باستالىپ، 28 تامىزعا (قوسا ەسەپتەگەندە) دەيىن جالعاسادى. ۇمىتكەرلەرگە ۇگىت-ناسيحات جۇمىستارىنا دايىندالۋ ءۇشىن 7 كۇن بەرىلەدى - 31 تامىزدان 6 قىركۇيەككە دەيىن.

7 قىركۇيەكتەن 3 قازانعا دەيىن ارالىقتا كانديداتتاردىڭ ۇگىت-ناسيحات جۇمىستارىن، ونىڭ ىشىندە 14-30 قىركۇيەك ارالىعىندا جاريا پىكىرسايىستار وتەدى. پىكىرسايىستار «پرايمەريز» ارنايى اقپاراتتىق جۇيەسى ارقىلى ءوتىپ، پارتيانىڭ رەسمي اككاۋنتتارىندا تاراتىلادى.

وسىعان بايلانىستى پارتيا توراعاسىنىڭ تاپسىرماسى بويىنشا ونلاين-فورماتتا داۋىس بەرۋ ءۇشىن پلاتفورما ازىرلەندى. «پرايمەريز» جۇيەسى تۇرعىندارمەن كەرى بايلانىستى بارىنشا كۇشەيتۋدى، جالپى جۇرتشىلىقتىڭ پىكىرلەرىن ەسكەرە وتىرىپ، ءتۇرلى باستامالار مەن زاڭ جوبالارىن ونلاين-تالقىلاۋ مۇمكىندىگىن كوزدەيدى. 

1 قازان (00-00) مەن 3 قازان (14.00) ارالىعىندا ءموبيلدى قوسىمشا جانە ارنايى ۆەب-پورتال ارقىلى ەلەكتروندى داۋىس بەرۋدى وتكىزۋ جوسپارلانىپ وتىر.

داۋىس بەرۋدىڭ سوڭعى كۇنى (3 قازان) باستاۋىش پارتيا ۇيىمدارىنىڭ بازاسىندا سايلاۋ ۋچاسكەلەرى اشىلادى. ينتەرنەت جوق ەلدى مەكەندەردە وسىنداي سايلاۋ ۋچاسكەلەرىنە كەلىپ، قاعاز بيۋللەتەندەر ارقىلى داۋىس بەرۋگە بولادى.

ۇمىتكەرلەردىڭ رەيتينگى كورسەتىلگەن پرايمەريز ناتيجەلەرى 5 قازاندا جاريالانادى.

ايتا كەتەيىك، بۇعان دەيىن «Nur Otan» پارتياسى پرايمەريز وتكىزۋ، سونداي-اق، كانديداتتارعا ۇيىمداستىرۋشىلىق جانە قۇقىقتىق قولداۋ كورسەتۋ ماسەلەلەرى بويىنشا 8 (800) 080 4441 ارنايى جەلىنى ىسكە قوسقان بولاتىن. سوڭعى 2 ايدىڭ وزىندە اتالعان جەلىگە 15 مىڭعا جۋىق قوڭىراۋ تۇسكەن. ولاردىڭ ىشىندە ءوتىنىش بىلدىرگەندەردىڭ جارتىسىنان كوبى 30 بەن 44 جاس ارالىعىنداعى ادامدار.

 

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار