دەگەنمەن ماماندار ءالى دە بوساڭسۋعا بولمايتىنىن ەسكەرتەدى. بۇگىن الماتى قالاسىنىڭ باس مەملەكەتتىك سانيتارلىق دارىگەرىنىڭ شەكتەۋ شارالارىن كەزەڭ-كەزەڭىمەن جەڭىلدەتۋ تۋرالى قاۋلىسى شىقتى. قالادا سەنبى-جەكسەنبى كۇندەرى كارانتين كەزىندەگىدەي قوعامدىق كولىكتەر جۇرمەيدى. جانە بارلىق مادەنيەت وشاعى مەن ءدىني نىسانداردىڭ اشىلۋىنا رۇقسات جوق. مەدەۋ, شىمبۇلاق جانە بۋتاكوۆكا سەكىلدى تاۋلى ايماقتارعا كولىكپەن كىرۋگە بولمايدى.
جاياۋ جۇرگىنشىلەرگە تەك جۇمىس كۇندەرى عانا سەرۋەندەۋگە رۇقسات. سونداي-اق بۇگىن كوپتەگەن كاسىپورىن مەن ساۋدا ورتالىقتارى جۇمىسىن قايتا جالعاستىردى. بىراق ولاردىڭ تولىمدىلىعى 30 پروتسەنتتەن اسپاۋى ءتيىس.
ناريمان ابىلشايىقوۆ, قالالىق كاسىپكەرلەر پالاتاسىنىڭ ديرەكتورى: "بۇگىنگى كۇننەن باستاپ وسى كارانتين جەڭىلدەتىلدى. ءبىزدىڭ پالاتا ساراپشىلارى ساناپ شىقتى. بۇگىنگى كۇننەن باستاپ قالامىزدىڭ 51 مىڭ كاسىپكەرى ءوز جۇمىسىن جانداندىرادى. بۇلاردا ىستەيتىن ادامنىڭ سانى 200 مىڭنان اسىپ وتىر. بۇل كوبىنە قالامىزدىڭ ساۋدا ورتالىقتارى, بازارلارى بار. قالامىزدىڭ 27 بازارى. سوندىقتان وتكەن سەنبى-جەكسەنبى اكىمدىكپەن بىرلەسە وتىرىپ, ولاردىڭ ءاۋديتىن جاساپ, بۇگىنگى كۇننەن باستاپ بۇلار ءوز جۇمىسىن باستاپ كەتتى", دەيدى ول.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
