ول 1930 جىلى قازىرگى تۇركىستان وبلىسى, وتىرار اۋدانى, ءشامشى قالداياقوۆ اۋىلىندا دۇنيەگە كەلگەن.
ەكىنشى دۇنيەجۇزىلىك سوعىس جىلدارى تىلدا جۇمىس ىستەپ, 1950 جىلى سارىاعاشتاعى قاپلانبەك مالدارىگەرلىك تەحنيكۋمىن تامامداعان. 1951-1954 جىلدارى قيىر شىعىستا اسكەري بورىشىن وتەگەن. 1956-1962 جىلدارى الماتى مەملەكەتتىك كونسەرۆاتورياسىندا وقىعان.
داڭقتى سازگەر 1950 جىلدان باستاپ شىعارماشىلىق قىزمەتپەن اينالىسقان. جالپى 40 جىلدان استام شىعارماشىلىق جولىندا 300-گە جۋىق ءان جازعان. «ارىس جاعاسىندا»,«تەرىسكەي»,«انا تۋرالى جىر», «مويىنقۇمدا اۋىلىم», «ساعىنىشىم مەنىڭ», «تامدى ارۋى», «قايىقتا», «اق بانتيك», «كەشىكپەي كەلەم دەپ ەڭ», «قۋانىش ءۆالسى», «دۇنگەن قىزى», «جاقسىگۇل», ء«انىم سەن ەدىڭ» جانە تاعى باسقا اندەرى قالىڭ قازاقتىڭ جوعارى باعاسىنا يە بولدى.
ءبىرتۋار كومپوزيتور 1992 جىلى 29 اقپاندا 62 جاسقا قاراعان شاعىندا ۇزاققا سوزىلعان اۋىر ناۋقاستان قايتىس بولدى.
ال 1991 جىلى ءشامشى قالداياقوۆ تۋرالى «جىلدارىم مەنىڭ, جىرلارىم مەنىڭ» اتتى عۇمىرنامالىق دەرەكتى فيلم ءتۇسىرىلدى.
1992 جىلدان باستاپ ءداستۇرلى تۇردە سازگەرلەر مەن انشىلەرگە ارنالعان ءشامشى قالداياقوۆ اتىنداعى حالىقارالىق بايقاۋ-فەستيۆال وتكىزىلىپ كەلەدى.
