جەرگىلىكتى باق-تىڭ اقپاراتى بويىنشا, قاماۋدا بولعاندار يزولياتوردا وزدەرىن ۇرىپ-سوعىپ, ازاپتاعاندارىن ايتىپ, شاعىمدانىپ جاتىر. ىشكى ىستەر مينيسترلىگىنىڭ رەسمي مالىمەتى بويىنشا, كۇشتىك قۇرىلىمدار مەن شەرۋشىلەر اراسىنداعى قاقتىعىستار بارىسىندا 6 مىڭنان استام ادام ۇستالدى. ەلدىڭ ىشكى ىستەر ءمينيسترى ولاردىڭ اراسىندا كەزدەيسوق ادامداردىڭ دا بولعانىن مويىنداپ وتىر.
مينيستر جەرگىلىكتى تەلەارناعا بەرگەن سۇحباتىندا ولاردان كەشىرىم سۇرادى. يۋري كاراەۆ, بەلارۋس رەسپۋبليكاسىنىڭ ىشكى ىستەر ءمينيسترى: – كەز كەلگەن جاپپاي توبەلەس كەزىندە, توپتىق نەمەسە جاپپاي قوعامدىق ءتارتىپتى بۇزۋدىڭ جولىن كەسۋ كەزىندە ءتارتىپ ساقشىلارى بۇعان ارنايى بارعاندار مەن جاقىن جۇرگەن ادامدارعا قارسى تۇرادى. سول ۋاقىتتا قاشىپ ۇلگەرمەگەندەر بولادى. مىنە, وسى زورلىق-زومبىلىققا تاپ بولعان ادامدار ءۇشىن مەن كوماندير رەتىندە وسى جاۋاپكەرشىلىكتى ءوز موينىما العىم كەلەدى. جانە بۇل ادامدار الدىندا كەشىرىم سۇرايمىن, – دەيدى ول.
