ايماقتار • 14 تامىز، 2020

46 ءدارىحانا ەسىرتكى، پسيحوتروپتى زاتتار جانە پرەكۋرسورلار ساتقان

19 رەت كورسەتىلدى

پوليتسيا ەسىرتكى، پسيحوتروپتى  زاتتار جانە پرەكۋرسورلار ساتاتىن ءدارىحانالار اراسىنان 46 قۇقىق بۇزۋشىلىقتى انىقتادى، – دەپ حابارلايدى Polisia.kz.

“دارمەك” جەدەل-پروفيلاكتيكالىق ءىس-شاراسىنىڭ ناتيجەلەرى  وسىنداي. رەيد جۇرگىزۋ بارىسىندا 280 استام  شارۋاشىلىق جۇرگىزۋشى سۋبەكت  تەكسەرىلدى. بەلگىلى بولعانىنداي 40 جۋىق سۋبەكت قۇرامىندا ەسىرتكى زاتتار بار مەديتسينالىق پرەپاراتتاردى ساتۋ جانە ساقتاۋ ەرەجەلەرىن بۇزعان، ەكى ءدارىحانا فارماتسەۆتيكالىق قىزمەتىن زاڭسىز جۇرگىزگەن. قر ءىىم ەسىرتكى قىلمىسىنا قارسى ء ىس-قيمىل دەپارتامەنتى قۇرامىندا ەسىرتكى جانە پسيحوتروپتى زاتتار بار دارىلىك قۇرالداردىڭ ساتىلۋىن مۇقيات قاداعالايدى. بۇنداي پرەپاراتتار بەيىندى مامانداردا ەسەپتە تۇرعان ادامدارعا قاتاڭ رەتسەپت بويىنشا عانا ساتىلۋى ءتيىس. 36 ءدارىحانادا انىقتالعان وسىنداي پرەپاراتتاردى ساتۋدى ءتارتىبىن بۇزۋ دەرەكتەرى بويىنشا ماتەريالادار پروۆيزورلاردى اكىمشىلىك جاۋاپكەرشىلىككە تارتۋ ءۇشىن دەنساۋلىق ساقتاۋ  ورگاندارىنىڭ اۋماقتىق فارماتسەۆتيكالىق باقىلاۋ بولىنىستەرىنە جولداندى.

بارلىعى 44 ادام اكىمشىلىك جاۋاپكەرشىلىككە تارتىلدى. قىلمىستىق كودەكستىڭ (ەسىرتكى قۇرالداردى قولدانۋ ەرەجەلەرىن بۇزۋ) 303-بابى بويىنشا ەكى قىلمىستىق ءىس قوزعالدى. ول باپ بويىنشا ء ۇش مىڭ اەك دەيىن ايىپپۇل، تۇزەۋ جۇمىستارى، نەمەسە ءۇش جىلعا دەيىن باس بوستاندىعىن شەكتەۋ نەمەسە ايىرۋ، نەمەسە سول مەرزىمگە فارماتسەۆتيكالىق قىزمەتپەن اينالىسۋ قۇقىعىنان ايىرۋ تۇرىندە جازا كوزدەلگەن.

سوڭعى جاڭالىقتار

ۇقساس جاڭالىقتار