الەم • 14 تامىز، 2020

وڭتۇستىك امەريكادا ابايدىڭ 175 جىلدىعى اتالىپ ءوتتى

9 رەت كورسەتىلدى

قازاقتىڭ ۇلى ويشىلى جانە اعارتۋشىسى اباي قۇنانباي ۇلىنىڭ 175 جىلدىعىن مەرەكەلەۋ اياسىندا قازاقستاننىڭ برازيلياداعى ەلشىلىگى ارگەنتينانىڭ روساريو قالاسىنداعى قازاق مادەني ورتالىعىمەن بىرلەسىپ ونلاين-كونفەرەنتسيا ۇيىمداستىردى.

ءىس-شاراعا مەملەكەتتىك قىزمەتكەرلەر، روساريو قالاسىنىڭ اكىمشىلىگى، وڭتۇستىكامەريكالىق مەملەكەتتەردىڭ اكادەميالىق جانە ىسكەر توپتارىنىڭ وكىلدەرى، وسى ەلدەردىڭ برازيلياداعى ديپلوماتيالىق ميسسيالارىنىڭ باسشىلارى مەن جۇمىسشىلارى، باق وكىلدەرى، مادەني ورتالىقتىڭ ەرىكتىلەرى قاتىستى.

كونفەرەنتسياعا قاتىسۋشىلار ابايدىڭ شىعارمالارىنا ۇلكەن قىزىعۋشىلىق تانىتىپ، اشىلۋعا جوسپارلانىپ وتىرعان «اباي الەمى» مادەني ورتالىعى مەن وڭتۇستىك امەريكا ەلدەرىندە ورنالاسقان ۇقساس مەكەمەلەرى اراسىندا بايلانىس ورناتۋ، ۇلى قازاق ويشىلىنىڭ ءومىرى مەن شىعارماشىلىعىنا ارنالعان عىلىمي ءىس-شارالار، ادەبي كەشتەر مەن كورمەلەر ۇيىمداستىرۋ تۋرالى ۇسىنىستار ايتىلدى.

سوڭعى جاڭالىقتار

ۇقساس جاڭالىقتار