الەم • 14 تامىز، 2020

اقش-تىڭ كونفۋتسي ينستيتۋتتارىن "شەتەلدىك اگەنتتىك" دەپ ايىپتاۋىنا نە سەبەپ؟

105 رەت كورسەتىلدى

اقش "كونفۋتسي ينستيتۋتتارىنىڭ" عالامدىق جەلىسىن "شەتەلدىك اگەنتتىك" دەپ جاريالاۋى ەكى ەل اراسىنداعى مادەني ىنتىماقتاستىقتى دەمونيزاتسيالاۋ اكتىسىنە قاراي بۇرمالانۋدا. بۇل تۋرالى بۇگىن تاڭەرتەڭ وتكەن بريفينگتە قىتايدىڭ سىرتقى ىستەر مينيسترلىگىنىڭ رەسمي وكىلى چجاو ليتسزيان ءوز ۇستانىمىن بىلدەرىپ وتىرىپ، قايتارىمدى جاۋاپ بولاتىنىن قوسا كەتتى، دەپ حابارلايدى Egemen.kz

"مەن، اقش-تاعى كونفۋتسي ينستيتۋتتارىنا قاتىستى امەريكانىڭ ارەكەتتەرى قىتاي-امەريكالىق ىنتىماقتاستىق باعدارلاماسىنىڭ دەمونيزاتسياسى مەن ستيگماتيزاتسياسىنىڭ اكتىسى ەكەنىن ەرەكشە اتاپ وتكىم كەلەدى. ءبىز ءوز وكىنىشىمىزدى بىلدىرەمىز جانە وعان قارسى شىعامىز"، دەدى ديپلومات.

سونداي-اق ول: ء"بىز، امەريكا قۇراما شتاتتارىمەن قىرعي قاباق سوعىستىڭ بولۋىنا نارازىمىز. ەكى تاراپتان دا ورىن العان قاتەلىكتەردى تۇزەتۋگە، ءبىلىم بەرۋ جوبالارىن ساياساتتاندىرۋدى توقتاتۋعا، گۋمانيتارلىق الماسۋدىڭ قالىپتى پروتسەسىنە ورالۋعا جانە قىتاي-امەريكا اراسىنداعى ءوزارا سەنىم مەن ىنتىماقتاستىققا نۇقسان كەلتىرۋدى توقتاتۋعا شاقىرامىز. ءبىز سونداي-اق جاۋاپ بەرۋ قۇقىعىن وزىمىزگە قالدىرامىز"، دەپ اتاپ ءوتتى قىتايدىڭ سىرتقى ىستەر مينيسترلىگىنىڭ وكىلى.

چجاو ليتسزيان اقش-تاعى كونفۋتسيدىڭ بارلىق ينستيتۋتتارى ۇزاق ۋاقىت بويى ء"وزارا تيىمدىلىككە قول جەتكىزۋ ءۇشىن سىيلاستىق قاعيداتتارىنا سايكەس" جۇمىس ىستەيتىنىنە نازار اۋداردى. "كونفۋتسي ينستيتۋتتارى – قىتاي مەن بۇكىل الەمدى بايلانىستىراتىن التىن كوپىر"، دەدى ديپلومات.

ەسكە سالا كەتەيىك، بەيسەنبىدە امەريكانىڭ مەملەكەتتىك حاتشىسى مايكل پامپەو "كونفۋتسي ينستيتۋتتارىن" قىتاي ءتىلى مەن مادەنيەتىن ناسيحاتتايتىن "شەتەلدىك اگەنت" دەپ مالىمدەگەن ەدى.

م.پامپەونىڭ پىكىرىنشە، بۇل تاراپتا اسپان استى ەلى امەريكانىڭ اشىق ساياساتىن پايدالانىپ، ەلدەگى اۋقىمدى جانە ءىرى جوبالارعا قاتىستى ۇگىت-ناسيحاتىن جۇزەگە اسىرىپ، ىقپالداستىق ءبىلدىرىپ جۇرگەندەرىن ناقتى اتاپ ءوتتى. سونداي-اق امەريكادا 100-دەن اسا "كونفۋتسي ينستيتۋتى" جانە مەكتەپ قابىرعاسىندا وقىلىپ جاتقان 500 "كونفۋتسي مەكتەبىنىڭ" بار ەكەنىنە توقتالدى. سوندىقتان كونفۋتسي مەكتەبىن "شەتەلدىك اگەنت" رەتىندە اتاۋى سوعان دا بايلانىستى. 

سوڭعى جاڭالىقتار

ۇقساس جاڭالىقتار