قايرات بەكتاي ۇلى ءابساتتاروۆ 1966 جىلى جەزقازعان قالاسىندا دۇنيەگە كەلگەن. ءۇش جوعارى ءبىلىمى بار: 1990 جىلى قاراعاندى پوليتەحنيكالىق ينستيتۋتىن «اۆتوموبيل جانە اۆتوموبيل شارۋاشىلىعى» ماماندىعى بويىنشا, 1998 جىلى ءو.بايقوڭىروۆ اتىنداعى جەزقازعان ۋنيۆەرسيتەتىن «ەكونوميكا جانە ءوندىرىستى باسقارۋ» ماماندىعى بويىنشا جانە 2018 جىلى ماسكەۋدەگى «مبجقي» ۇلتتىق تەحنيكالىق زەرتتەۋ ۋنيۆەرسيتەتىن «ىسكەرلىك اكىمشىلەندىرۋ ماگيسترى» ماماندىعى بويىنشا ءتامامداعان.
1990-1997 جىلدارى اۆتوكولىك ونەركاسىبىنىڭ ءوندىرىستىك كاسىپورىندارىندا, جەزقازعان وبلىسى اكىمءىنىڭ اپپاراتىندا جۇمىس ىستەدى. قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالاۋ اگەنتتىگىندە, قازاقستان رەسپۋبليكاسى پرەزيدەنتىنىڭ اكىمشىلىگىندە قىزمەت ەتكەن (1998-2003). اقپاراتتاندىرۋ جانە بايلانىس اگەنتتىگىنىڭ ءبولىم باسشىسى (2003-2006), «قازاقتەلەكوم» اق باس اكىمشىلىك ديرەكتورى, اتقارۋشى ديرەكتورى قىزمەتتەرىن اتقاردى (2006-2010). بايلانىس جانە اقپارات مينيسترلىگىنىڭ جاۋاپتى حاتشىسى بولدى (03.2010-01.2012). كولىك جانە كوممۋنيكاتسيا مينيسترلىگىنىڭ ۆيتسە-ءمينيسترى بولىپ ەڭبەك ەتتى (01.02.2012-03.2013). كولىك جانە كوممۋنيكاتسيا مينيسترلىگىنىڭ كولىكتىك باقىلاۋ كوميتەتىنىڭ توراعاسى بولدى (20.03.2013-10.2013). ەڭبەك جانە تۇرعىنداردى الەۋمەتتىك قورعاۋ ۆيتسە-ءمينيسترى لاۋازىمىن اتقاردى (02.10.2013, ۋاقىتشا). قر پرەمەر-ءمينيسترى كەڭسەسىنىڭ ءوڭىرلەرءدى دامىتۋ ءبولىمىنىڭ مەڭگەرۋشىسى بولىپ قىزمەت ەتتى (2015). «قازاتومونەركاسىبى» ۇاك» اق-نىڭ بيزنەستى قامتاماسىز ەتۋ بويىنشا باس ديرەكتورى-باسقارما مۇشەسى بولدى (18.09.2015-2018). «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق باسقارما توراعاسىنىڭ ورىنباسارى قىزمەتىن اتقاردى (2018-04.2019). ال وسى تاعايىنداۋعا دەيىن «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق باسقارما توراعاسىنىڭ ءبىرىنشى ورىنباسارى لاۋازىمىندا بولدى.
«قۇرمەت» وردەنىمەن ماراپاتتالعان.
