قىلمىس بۇگىن ساعات 13:00 شاماسىندا الماتىنىڭ المالى اۋدانىندا ورىن العان. تۇرعىن ءۇي عيماراتىنىڭ كىرەبەرىسىندە 28 جاستاعى ەر ادام ايەلگە شابۋىل جاساپ, سومكەسىن الۋعا تىرىسقان.
– مەن بانكوماتتان اقشا الىپ, ۇيگە قايتتىم. باسىندا كورشى ەكەن دەپ ويلادىم, ءسويتىپ ونى الدىعا جىبەرۋگە تىرىستىم. ول مەنىڭ سومكەمە جارماسىپ الدى. مەن سومكەمدى جىبەرمەدىم. ول پىشاقتى الىپ, سومكەنىڭ يىق بەلبەۋىن كەسە باستادى, قولدارىمدى ءتىلىپ تاستادى. مەن كىرە بەرىستە ايقايلادىم, بىرەۋ ەستيدى دەپ ويلادىم. بىراق ەشكىم كومەكتەسپەدى. ول جۇگىرە جونەلدى, ەكى جولاۋشى ارتىنان قۋدى, – دەپ ايەل ادام شابۋىلدىڭ ءمان-جايىن ايتىپ بەردى.
– بوگەنباي باتىر مەن ايتيەۆ كوشەلەرىنىڭ قيىلىسىنداعى ءبىزدىڭ كۇزەت بەكەتىمىزدە كەزەكشىلىك كەزىندە ءبىزدى جولاۋشىلار توقتاتتى جانە جوعارعى كوشەدە ەكى ادامنىڭ ءبىر ادامدى توناماقشى بولىپ توبەلەسىپ جاتقاندىعىن حابارلادى. ءبىز دەرەۋ كورسەتىلگەن جەرگە جەتتىك, سول جەردە ءىستىڭ ناقتى مالىمەتتەرىن بىلدىك. وسى قىلمىستى جاسادى دەگەن كۇدىكپەن 1992 ج.ت. ي.ازاماتۇستالدى. ودان پىشاق تاركىلەندى. ايەلدى تاپتىق, وعان "جەدەل جاردەم" شاقىرىلدى, – دەدى الماتى قالالىق پد پاترۋلدىك پوليتسيا پولكىنىڭ ينسپەكتورى, "بۋران-045" ەكيپاجىنىڭ اعا باستىعى سامات جۇمانوۆ.
