"Nur Otan" پارتياىشىلىك سايلاۋ كەستەسىن جاريالادى

ونىڭ ايتۋىنشا، پرايمەريزدىڭ نەگىزگى ماقساتى – الداعى ءماجىلىس پەن بارلىق دەڭگەيدەگى ءماسليحاتتار سايلاۋىنا پارتيالىق تىزىمدەرگە ەنگىزۋ ءۇشىن قوعامنىڭ سەنىمى مەن قولداۋىنا يە بولعان بەدەلدى پارتيا كوشباسشىلارىن انىقتاۋ.

"قۇرمەتتى دوستار! وزدەرىڭىزگە ءمالىم، پارتيامىزدىڭ ليدەرى نۇرسۇلتان نازارباەۆتىڭ تاپسىرماسىمەن "Nur Otan" پرايمەريزى ەلىمىزدىڭ پارتيالىق-ساياسي دامۋ تاريحىندا تۇڭعىش رەت رەسپۋبليكالىق پارتياىشىلىك سايلاۋ اۋقىمىندا وتەدى. بۇل – ەلباسىنىڭ باستاماسىمەن قولعا الىنعان "سەنىم. ديالوگ. بولاشاققا نىق قادام" پارتيا جۇمىسىن "قايتا جانداندىرۋ" باعدارلاماسىنىڭ قورىتىندى كەزەڭدەرىنىڭ ءبىرى. كانديداتتار پرايمەريزگە باستاۋىش پارتيا ۇيىمىنىڭ اتىنان نەمەسە ءوزىن-ءوزى ۇسىنۋ جولىمەن دە قاتىسۋى مۇمكىن. بۇل رەتتە پارتيانىڭ قۇندىلىقتارىن ۇستاناتىن جانە سايلاۋ قۇقىعى بار كەز كەلگەن ازامات ۇمىتكەر بولا الادى. ول ءۇشىن پرايمەريزگە قاتىسۋشىلاردى تىركەۋ مەرزىمى اياقتالعانعا دەيىن "Nur Otan"-نىڭ قاتارىنا قوسىلۋ كەرەك"، - دەدى باۋىرجان بايبەك.

سونىمەن، كانديداتتاردى ۇسىنۋ جانە تىركەۋ 17 تامىزدان باستالىپ، 28 تامىزعا (قوسا ەسەپتەگەندە) دەيىن جالعاسادى. ۇمىتكەرلەرگە ۇگىت-ناسيحات جۇمىستارىنا دايىندالۋ ءۇشىن 7 كۇن بەرىلەدى - 31 تامىزدان 6 قىركۇيەككە دەيىن.

7 قىركۇيەكتەن 3 قازانعا دەيىن ارالىقتا كانديداتتاردىڭ ۇگىت-ناسيحات جۇمىستارىن، ونىڭ ىشىندە 14-30 قىركۇيەك ارالىعىندا جاريا پىكىرسايىستار وتەدى. پىكىرسايىستار "پرايمەريز" ارنايى اقپاراتتىق جۇيەسى ارقىلى ءوتىپ، پارتيانىڭ رەسمي اككاۋنتتارىندا تاراتىلادى.

وسىعان بايلانىستى پارتيا توراعاسىنىڭ تاپسىرماسى بويىنشا ونلاين-فورماتتا داۋىس بەرۋ ءۇشىن پلاتفورما ازىرلەندى. "پرايمەريز" جۇيەسى تۇرعىندارمەن كەرى بايلانىستى بارىنشا كۇشەيتۋدى، جالپى جۇرتشىلىقتىڭ پىكىرلەرىن ەسكەرە وتىرىپ، ءتۇرلى باستامالار مەن زاڭ جوبالارىن ونلاين-تالقىلاۋ مۇمكىندىگىن كوزدەيدى.

1 قازان (00-00) مەن 3 قازان (14.00) ارالىعىندا ءموبيلدى قوسىمشا جانە ارنايى ۆەب-پورتال ارقىلى ەلەكتروندى داۋىس بەرۋدى وتكىزۋ جوسپارلانىپ وتىر.

داۋىس بەرۋدىڭ سوڭعى كۇنى (3 قازان) باستاۋىش پارتيا ۇيىمدارىنىڭ بازاسىندا سايلاۋ ۋچاسكەلەرى اشىلادى. ينتەرنەت جوق ەلدى مەكەندەردە وسىنداي سايلاۋ ۋچاسكەلەرىنە كەلىپ، قاعاز بيۋللەتەندەر ارقىلى داۋىس بەرۋگە بولادى.

ۇمىتكەرلەردىڭ رەيتينگى كورسەتىلگەن پرايمەريز ناتيجەلەرى 5 قازاندا جاريالانادى.

ايتا كەتەيىك، بۇعان دەيىن "Nur Otan" پارتياسى پرايمەريز وتكىزۋ، سونداي-اق، كانديداتتارعا ۇيىمداستىرۋشىلىق جانە قۇقىقتىق قولداۋ كورسەتۋ ماسەلەلەرى بويىنشا 8 (800) 080 4441 ارنايى جەلىنى ىسكە قوسقان بولاتىن.

ءباسپاسوز قىزمەتى تاراتقان اقپاراتقا سايكەس، سوڭعى 2 ايدىڭ وزىندە اتالعان جەلىگە 15 مىڭعا جۋىق قوڭىراۋ تۇسكەن. ونىڭ 3،5 مىڭنان استامى - كانديداتتاردى ۇسىنۋ جانە تىركەۋ ءتارتىبىن ءتۇسىندىرۋدى سۇراسا، مىڭنان استامى داۋىس بەرۋ پروتسەدۋراسىنا قىزىعۋشىلىق تانىتتى. تاعى مىڭعا جۋىق ادام پارتيا قاتارىنا كىرۋ ءتارتىبى تۋرالى سۇرادى. تۇسىنىكتەمە الۋعا جۇگىنگەن 7،5 مىڭنان استام ادام - 30 بەن 44 جاس ارالىعىنداعىلار.