ايماقتار • 12 تامىز، 2020

ب.ساعىنتاەۆ: الماتىدا ەپيدەميالىق احۋال تۇراقتاندى

79 رەت كورسەتىلدى

قالادا 5 شىلدەدە قايتا كۇشەيتىلگەن شەكتەۋ شارالارىنىڭ ەنگىزىلۋى ناتيجەسىندە ەپيدەميالىق احۋال تۇراقتاندى. بۇل تۋرالى قالا اكىمى باقىتجان ساعىنتاەۆ "الماتى" تەلەارناسىنداعى Aكimat Live باعدارلاماسىنىڭ تىكەلەي ەفيرى بارىسىندا باياندادى، دەپ جازادى Egemen.kz

ايناش ەسالى

ەپيدەميالىق جاعدايدىڭ تۇراقتانۋى كۆي-مەن كۇرەسۋگە قاتىسقان كلينيكالاردىڭ بۇرىنعى جۇمىس رەجيمىنە بىرتىندەپ كوشۋلەرىنە مۇمكىندىك بەردى.

ب.ساعىنتاەۆ حابارلاعانداي، №4 جانە 7 قالالىق ەمحانالار وزدەرىنىڭ نەگىزگى باعىتتارى بويىنشا تولىق جۇمىس ىستەي باستادى. ال قالعاندارى وزدەرىنىڭ نەگىزگى جۇمىستارىنا كەزەڭ-كەزەڭىمەن ورالادى.

اتاپ وتەرلىك جايت، كۇزگى-قىسقى ماۋسىمدا ىندەتتىڭ جاڭا تولقىنىنىڭ بولۋى مۇمكىن ەكەنىن ەسكەرە وتىرىپ، ستاتسيونارلاردىڭ كوۆيدتى گوسپيتالدەر رەجىمىمەن جۇمىس جاساۋ جوسپارى ازىرلەندى.

"كۇنىنە شامامەن 200 گوسپيتال جۇمىس ىستەيتىن بولادى. ىندەت شارىقتاعان كەزدە ءبىز 500-گە جۋىق ناۋقاستى اۋرۋحانالارعا جاتقىزدىق. بۇل قالانىڭ مەديتسينا جۇيەسىنە تۇسەتىن وتە اۋىر جۇك. ىندەتتىڭ جاڭا تولقىنىنا قارسى ءىس- ارەكەت جوسپارىنا ساي ستاتسيونارلار 2-3 كۇن ىشىندە كوۆيدتى ناۋقاستاردى ەمدەۋگە دايىن بولۋلارى ءتيىس"، دەپ اتاپ ءوتتى ب.ساعىنتاەۆ.

سونىمەن قاتار، جەدەل جۇمىس ىستەۋ ءۇشىن مەديتسينالىق كومەكتىڭ العاشقى بۋىنى – العاشقى مەديتسينالىق-سانيتارلىق كومەك نەمەسە ەمحانا بايلانىسى كۇشەيتىلۋدە. ۋچاسكەلىك دارىگەرلەر سوزىلمالى اۋرۋلارى بار تاۋەكەل توبىنداعى قالالىقتاردى باقىلاۋعا الۋلارى ءتيىس. ال بۇل وسى توپتاعى جۇقتىرۋشىلاردى دەر كەزىندە انىقتاۋعا مۇمكىندىك بەرەدى.

جۇرگىزىلگەن ساۋالنامالارعا سايكەس، كۆي جۇقتىرعانداردىڭ ستاتسيونارلارعا سىرقاتتىڭ اسقىنۋ تۇرىمەن تۇسكەن، 55%-ءى ۇيدە ەمدەلدى; 31% - جەكە كلينيكالارعا، 14%-ى - تىركەلگەن ەمحانالارعا، ۋچاسكەلىك دارىگەرلەرگە بارعان.

"وسىعان وراي، ءبىز كۆي بەلگىلەرى پايدا بولعان كەزدە نە ىستەۋ كەرەك، كىمگە جانە قايدا جۇگىنۋگە بولاتىندىعى تۋرالى نۇسقاۋلىقتار ازىرلەدىك. امبۋلاتوريالىق ەم الاتىن ءارى ەمحانالار دارىگەرلەرىنىڭ باقىلاۋىندا بولاتىن ناۋقاستاردى قاجەتتى ءدارى-دارمەكتەرمەن قامتاماسىز ەتتىك. وسى ماقساتتا ءدارى-دارمەكتەردى تۇراقتاندىرۋ قورى قۇرىلدى، وعان 5 ميلليارد تەڭگە ءبولىندى"، دەدى قالا اكىمى.

سونىمەن قاتار، پتر تەستىلەۋدىڭ قۋاتتىلىعى ارتادى. بۇگىنگى كۇنى 455 مىڭ پتر سىناقتارى وتكىزىلدى. تەستىلەۋدەن قالا تۇرعىندارىنىڭ شامامەن 15-17% ءوتتى. بۇل ناقتى ەپيدەميولوگيالىق كورىنىستى بىلۋگە جانە ۋاقىتىندا قاجەتتى شارالاردى قابىلداۋعا مۇمكىندىك بەرەدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز