ايماقتار • 12 تامىز، 2020

جەتىسۋدىڭ بەلسەندى جاستارى اۋرۋحانالارعا Armed سىيلادى

36 رەت كورسەتىلدى

Jas Otan جاستار قاناتى الماتى وبلىستىق فيليالىنىڭ باستاۋىمەن يگى شارا ءوتتى. بەلسەندىلەر مەن ەرىكتىلەر اۋرۋحانالارعا مەديتسينالىق قۇرال-جابدىق پەن بەتپەردە تارتۋ ەتتى، دەپ حابارلايدى ەgemen.kz.

حالىقارالىق جاستار كۇنىنە وراي وتكەن قايىرىمدىلىق اكتسياسىندا وبلىس جاستارى ەسكەلدى اۋداندىق اۋرۋحاناسى مەن كوكسۋ اۋداندىق اۋرۋحاناسىنا Armed ماركالى ەكى كيسلورود كونتسەنتراتورىن سىيلادى. سونداي-اق، وسى كۇنى Jas Otan جاستار قاناتىنىڭ مۇرىندىق بولۋىمەن الاكول، قاراتال، ەسكەلدى، جانە تالدىقورعان قالاسىنىڭ مەديتسينا ۇيىمدارىنا جالپى سانى 5 مىڭ دانا بەتپەردە تەگىن بەرىلدى.

"پاندەميامەن كۇرەس كەزىندە نەگىزگى سالماق دارىگەرلەردىڭ يىعىنا تۇسكەنىمەن، كوزى اشىق ادامنىڭ ءبارى دە جاۋاپكەرشلىكتەن تىس قالماۋى كەرەك. اسىرەسە، ەرىكتى جاستار بۇل مايداننىڭ العى شەبىندە ءجۇرۋى ءتيىس كەرەك. وسى ماقساتتا ءبىز ەرىكتى رەتىندە قوعامدىق جۇمىس اتقارىپ، ادامدارعا كومەك قولىن سوزۋعا جۇمىلدىق. مۇمكىندىككە قاراي قايىرىمدىلىق شاراسىن ۇيىمداستىرىپ، كومەككە مۇقتاج جانداردىڭ جانىنان تابىلدىق. دارىگەرلەرگە دە قولداۋ كورسەتىپ وتىرمىز. بۇگىنگە دەيىن جەتىسۋ جاستارى ءبىر كىسىدەي جۇمىلىپ، دارىگەرلەر مەن ناۋقاستارعا ءۇشىن 590 ليتر قىمىز، 150 ليتر شۇبات تاراتتى. بۇل يگى ءىس جالعاسا بەرەد"، دەيدى Jas Otan جاستار قاناتى الماتى وبلىستىق فيليالىنىڭ جەتەكشىسى ەركەبۇلان اقبولاتوۆ.

ايتپاقشى، Jas Otan جاستار قاناتىنىڭ ۇيىمداستىرۋىمەن وبلىستىڭ بەلسەندى جاستارى ايماقتاعى مەديتسينا مەكەمەلەرىنە 100 500 دانا بەتپەردە، 1050 دانا قورعانىش كوستيۋمى، 1100 ليتر دەزينفەكتسيا سۇيىقتىعىن تەگىن تابىس ەتكەن ەكەن. ال اۋرۋحانالارعا سىيعا تارتقان كيسلورود كونتسەنتراتورىنىڭ سانى التىعا جەتكەن.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار