ايماقتار • 11 تامىز، 2020

الماتىداعى "دوستىق" پەن "سارىارقا" مەتروستانسالارى 2021 جىلى اياقتالادى

82 رەت كورسەتىلدى

قازىرگى تاڭدا الماتى جولدارىنىڭ ساپاسى 75%-عا عانا جاقسى دەپ ايتۋعا بولادى. جاھاندىق پاندەميا بۇل ماسەلەدە دە ءوز تۇزەتۋلەرىن ەنگىزىپ وتىر. بۇگىنگى ونلاين-بريفينگتە الماتى قالالىق موبيلدىك باسقارما باسشىسىنىڭ ورىنباسارى ەرنۇر ءابجاحان مەگاپوليستەگى جول ينفراقۇرىلىمىنىڭ دامۋى تۋرالى باياندادى.

بيىل "جاڭا الماتى" باعدارلاماسى اياسىندا شەتسىز قالا قاعيداسىن نەگىزگە الا وتىرىپ، الاتاۋ اۋدانىندا جالپى ۇزىندىعى 47،4 شاقىرىمدى قۇرايتىن 177 كوشەدە جاڭا جولداردىڭ قۇرىلىسى جۇرگىزىلىپ جاتىر. ونىڭ ىشىندە بۇگىنگى كۇندە 112 كوشە بويىندا ۇزىندىعى 18،6 شاقىرىمدىق جاڭا جولدار قۇرىلىسى اياقتالدى. جىل سوڭىنا دەيىن قالعان 65 كوشەدە ۇزىندىعى 28،8 شاقىرىم جول قۇرىلىسىن اياقتاۋ جوسپارلانۋدا. سونىمەن قاتار ۇزىندىعى 200 شاقىرىمدى قۇرايتىن 283 كوشەگە ورتاشا جوندەۋ جۇرگىزۋ جانە ۇزىندىعى 30 شاقىرىم تروتۋار، 80 ايالداما الاڭدارى مەن قالتالاردى ورناتۋ جانە جوندەۋ جوسپارلانعان. قالانىڭ كوشە-جول جەلىسىندەگى جول جامىلعىسىن اعىمداعى جوندەۋمەن 300 مىڭ م2 اسفالتبەتون جابىنىن جوندەۋ جوسپارلانعان. بۇگىنگى كۇنى ۇزىندىعى 62،6 شاقىرىمدى قۇرايتىن 91 كوشە ورتاشا جوندەۋدەن ءوتتى. سونداي-اق 151 مىڭ م2 كولەمىندە اعىمداعى جوندەۋ جۇمىستارى جانە ۇزىندىعى 19،2 شاقىرىم تروتۋار سالۋ جۇمىستارى ورىندالدى.

3 كولىك جولايرىعى قۇرىلىسى (رىسقۇلوۆ داڭعىلى – ەمتسوۆ كوشەسى، سەيفۋللين داڭعىلى – جانسۇگىروۆ كوشەسى، بۇقتىرما كوشەسى – قۇلجا كۇرە جولى)، اباي داڭعىلى مەن ساين كوشەسىن ۇزارتۋ جۇمىستارى جالعاسۋدا.

سونداي-اق 5 جاياۋ جۇرگىنشىلەر وتكەلدەرىنىڭ قۇرىلىسى بويىنشا جۇمىستار باستالدى (سولتۇستىك اينالما كوشەسى – موسكۆين كوشەسىنىڭ سولتۇستىگىندەگى، سولتۇستىك اينالما كوشەسى – جۇماباەۆ كوشەسىنىڭ سولتۇستىگىندەگى، سولتۇستىك اينالما كوشەسى – بورالداي كوشەسىنىڭ وڭتۇستىگىندەگى، مايلين كوشەسى – توقاي كوشەسىندەگى، مايلين كوشەسى – قاپال كوشەسىنىڭ وڭتۇستىگىندەگى). بيىلعى جىلدىڭ اياعىنا دەيىن اتالمىش جۇمىستاردى تولىق اتقارۋ جوسپارلانعان.

ودان باسقا، قازىرگى ۋاقىتتا الماتى قالاسىنىڭ 9 شاعىناۋدانىنداعى (العاباس، شاڭىراق-5، وجەت، سامعاۋ، شاپاعات، قۇرامىس، المەرەك، نۇرشاشقان، قايرات شاعىن اۋداندارى) جالپى ۇزىندىعى 118 شاقىرىمدىق جول قۇرىلىسى، دۋمان شاعىناۋدانىنداعى جولداردى كۇردەلى جوندەۋ، تولە بي كوشەسىن ۇزارتۋدا جوبالىق-سمەتالىق قۇجاتتامالار ازىرلەۋ جۇمىستارى جالعاسىن تاۋىپ وتىر.

جولدار ينفراقۇرىلىمى جانە كوشە-جول جەلىسى نىساندارىنا 21 مەردىگەرلىك ۇيىم جۇمىلدىرىلعان، سونىڭ ىشىندە 4100 جۇمىسشى مەن 1007 تەحنيكا بىرلىگى جۇمىسقا تارتىلعان.

مەتروپوليتەننىڭ ءبىرىنشى جەلىسى ەكىنشى كەزەگى ەكىنشى ىسكە قوسۋ كەشەنىنىڭ قۇرىلىسى جالعاسۋدا، ول "دوستىق" جانە "سارىارقا" بەكەتتەرىن جانە باتىس باعىتتا اباي داڭعىلى بويىمەن التىنسارين داڭعىلىنان مومىش ۇلى كوشەسىنە دەيىن ۇزىندىعى 3،1 شاقىرىم مەترو جەلىسىن قامتيدى.

بيىل ءۇشىنشى ىسكە قوسۋ كەشەنىنىڭ قۇرىلىسى باستالدى، ول اباي داڭعىلى بويىمەن ياسساۋي كوشەسىنەن ءاشىموۆ كوشەسىنە دەيىن جانە قالقامان شاعىناۋدانىندا ءاشىموۆ كوشەسىنىڭ استىمەن سولتۇستىك باعىتتاعى ۇزىندىعى 2،4 شاقىرىم "دوستىق" بەكەتى – "قالقامان" بەكەتى ارالىق توننەلدەرىن قامتيدى.

"دوستىق" پەن "سارىارقا" مەتروستانسالارى 2021 جىلى اياقتالادى دەپ جوسپارلانۋدا. ال "قالقامان" ستانساسىنىڭ قۇرىلىسى ەندى باستالدى.

 

الماتى

سوڭعى جاڭالىقتار

قازاقستاندا دوللار ارزاندادى

ەكونوميكا • بۇگىن، 11:40

ء"تىل قورعاندارى" توبى قۇرىلدى

رۋحانيات • بۇگىن، 09:45

جۇرت جارمەڭكەنى كۇتۋدە

ايماقتار • بۇگىن، 08:26

قىستان قىسىلماۋ ءۇشىن

قوعام • بۇگىن، 08:25

«بەتپەردەلى» پەندەلەر

رۋحانيات • بۇگىن، 08:05

شىنىقتىرۋدىڭ شەبەرى

قوعام • بۇگىن، 08:03

قازاقتىڭ پەيىلىنە قايران قالام!..

رۋحانيات • بۇگىن، 07:37

COVID-19: قاي ەلدەردە ساقتاندىرۋ بار؟

كوروناۆيرۋس • بۇگىن، 07:31

مۇراعاتتار مۇڭ شاعادى

قوعام • بۇگىن، 07:30

ساحنانىڭ ءسانى كىردى

ونەر • بۇگىن، 07:26

دياس جارىستان شىعىپ قالدى

تەننيس • بۇگىن، 07:22

يتالياعا بەت الدى

سپورت • بۇگىن، 07:21

ەستافەتا باعىتى جاريالاندى

سپورت • بۇگىن، 07:19

اۋىلدا پالما اعاشى وسەدى

وقيعا • بۇگىن، 07:14

قارامەڭدىدەگى قارتتار ورتالىعى

ايماقتار • بۇگىن، 07:13

العاشقى دەبات ءوتتى

الەم • بۇگىن، 07:12

«اقىلدى» ايماقتار

تەحنولوگيا • بۇگىن، 07:04

تسيفرلى دامۋدىڭ 5 باسىم باعىتى

تەحنولوگيا • بۇگىن، 07:02

ۇقساس جاڭالىقتار