سۋرەتتەردە بايقاعانداي, ولارعا مەديتسينالىق بەتپەردەنى تاعىپ ءجۇرۋ مىندەتتەلمەگەن. تەك سىنىپتارىنا بارا جاتقاندا عانا تاعىپ العان.
انگليانىڭ دەنساۋلىق ساقتاۋ ءمينيسترى ەدۆارد ارگار ءبىلىم الۋشىلارعا بەتپەردە تاعىپ ءجۇرۋ اسا قاتتى مىندەتتەلمەگەنىن جانە اتا-انالارعا ۇيىمعا سالىنباي, كەرىسىنشە بالالارىنىڭ مەكتەپ قابىرعاسىندا بارلىق ساقتىق شارالارى قامتاماسىز ەتىلگەنىن ناقتىلادى.
بەتپەردە بويىنشا: "وسى تۇرعىدا ءبىلىم بەرۋ باسقارماسى تولىق تۇسىنىك بەرگەن سياقتى. سەبەبى ءبىلىم الىپ, وقىتۋ بارىسىندا وقۋشىلارعا جانە مۇعالىمدەرگە قيىندىقتار تۋعىزادى", دەيدى دەنساۋلىق ءمينيسترى.
كەيبىر مەكتەپتىڭ كاسىپوداق ۇيىمدارى بۇل شەشىمگە نارازىلىقتارىن ءبىلدىردى. بىراق, ۇستازدار قاۋىمى وقۋشىلاردىڭ بەتپەردە تاعىپ ءجۇرۋىن تالاپ ەتسە, ونى ىسكە اسىرۋعا بولاتىنىن دا ايتىپ ءوتتى.
ەسكە سالا كەتەيىك, انگليانىڭ مەكتەپ حاتشىسى نيك گيبب ۇكىمەتتىڭ الداعى قىركۇيەك ايىندا بارلىق وقۋشىلاردى اعىلشىن مەكتەپتەرىنە قايتارۋعا "ناقتى نيەتى" بار ەكەنىن مالىمدەگەن ەدى.
