"شابد مانجۋشا" نەمەسە "سوزدەردىڭ قازىناسى" دەپ اتالاتىن كىتاپتا ابايدىڭ 40 ولەڭى جانە 45 قارا ءسوزى بار. مۇقابانىڭ العاشقى بەتىندە قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ العىسوزى مەن ءۇندىستاننىڭ قازاقستانداعى ەلشىسى پرابحات كۋمار مىرزانىڭ كىرىسپە ءسوزى ەنگەن.
كىتاپتى ICCR باس ديرەكتورى دينەش ك. پاتنايك مىرزا, قازاقستاننىڭ ۇندىستانداعى ەلشىسى ەرلان اليمباەۆ, ءۇندىستاننىڭ قازاقستانداعى ەلشىسى پرابحات كۋمار جانە بىرقاتار قازاقستانداعى ءۇندى قاۋىمداستىعىنىڭ مۇشەسىنىڭ قاتىسۋىمەن وتكەن ونلاين ءىس-شارادا تانىستىردى.
قازاقستان مادەنيەتى مەن ادەبيەتىنە ۇلەس قوسقان ءبىرتۋار تۇلعانى ەسكە الا وتىرىپ, پاتنايك مىرزا ابايدىڭ ولەڭدەرى مەن "قارا سوزدەر كىتابى" تەك قازاقستاننىڭ عانا ەمەس, بۇكىل ادامزاتتىڭ رۋحاني مۇراسى ەكەنىن ايتتى.
ەرلان اليمباەۆ ICCR مەن ءۇندىستاننىڭ قازاقستانداعى ەلشىلىگىنە ابايدىڭ قارا سوزدەرىنىڭ حيندي تىلىندەگى اۋدارماسىن شىعارعانى ءۇشىن العىس ايتتى.
پرابحات كۋمار مىرزا ءۇندىستان استاناسى نيۋ-دەليدەگى كورنەكتى كوشەلەردىڭ بىرىنە ابايدىڭ ەسىمى بەرىلگەنىن اتاپ ءوتتى.
قالعان قاتىسۋشىلار ابايدىڭ ادەبيەتكە, ونەرگە جانە مادەنيەتتىڭ ءار ءتۇرلى سالالارىنا قوسقان ۇلەسى تۋرالى پىكىرلەرىن ورتاعا سالدى.
