ايماقتار • 10 تامىز، 2020

"اباي كۇنىن" الماتى وبلىسى قالاي اتاپ ءوتتى؟

42 رەت كورسەتىلدى

اباي كۇنىنە وراي جەتىسۋ جەرىندە بىرقاتار تاعىلىمدى شارا ءوتتى، -  دەپ حابارلايدى egemen.kz.

اتاپ ايتقاندا، تالدىقورعان قالاسىندا ۇلى ويشىلدىڭ بەينەسى تۇرعىن ءۇيدىڭ قاسبەتىنە قاشالىپ، سالىندى. كوپشىلىك جاستار قولىمەن جاسالعان جاڭا مۋرالعا كوزايىم بولدى. گراففيتي جانرىندا سالىنعان اباي بەينەسى  جەتىسۋلىق جاس سۋرەتشىلەردىڭ قولىنان شىققان تىڭ تۋىندى. جەتىسۋ ۋنيۆەرسيتەتىنىڭ تۇلەكتەرى ەركەعالي يمانعانلي، جازيرا جۇماباەۆا جانە جادىرا وتاربەكوۆانىڭ شىعارماشىلىق يدەياسىنىڭ جەمىسستى جۇزە اسۋىنا الماتى وبلىسىنىڭ سىبايلاس جەمقورلىققا قارسى قىزمەتىنىڭ ماماندارى قولداعان ەكەن. جالپى، بۇل جاستار قولىنان شىققان العاشقى مۋرال ەمەس، "جەتىسۋ ارت" جوباسى اياسىندا سۋرەتشىلەر توبى سىبايلاس جەمقورلىققا قارسى ۇندەيتىن سۋرەتتەر مەن دارىگەرلەر قۇرمەتىنە ارنالعان گرافيتتي بەينەلەردىڭ تۇساۋىن كەسكەن بولاتىن.

سونداي-اق مەرەكە كۇنى وبلىستىق مادەنيەت باسقارماسىنىڭ مۇرىندىق بولۋىمەن جارىق كورگەن  "ادامزاتتىڭ ابايى" كىتابىنىڭ تۇساۋكەسەرى ءوتتى.       

بيىل الماتى وبلىسى اكىمىنىڭ قولداۋىمەن "ابايعا ارناۋ" اتتى جازبا اقىندار ءمۇشايراسى وتكەن ەدى. جارىق كورگەن جيناققا سول ءمۇشايرادان وزا شاپقان ءبىر توپ اقىننىڭ ولەڭى توپتاستىرىلعان.

ال "Nur Otan" پارتياسى الماتى وبلىستىق فيليالىنىڭ ۇيىمداستىرۋىمەن ۇلى اقىن ولەڭدەرىنىڭ ونلاين كەشى ءوتتى. الەۋمەتتىك جەلىلەر ارقىلى تىكەلەي ەفيردە كورسەتىلگەن  كەشتە "تالدىقورعان اۋەندەرى" فولكلورلى-ەتنوگرافيكالىق ءان-بي ءانسامبلىنىڭ انشىلەرى ونەر كورسەتىپ،  جاس اقىندار حاكىم ابايعا ارناۋ وقىدى. مۇنان بولەك، بۇگىن الماتى وبلىسىندا تۇراتىن وزگە ەتنوس وكىلدەرى اراسىندا "ورتاق اباي" دەگەن اتپەن وتكەن كوركەمسوز وقۋ بايقاۋى دا قورتىندىلاندى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار