تەحنولوگيا • 10 تامىز، 2020

سۋ كولىگىن تسيفرلاندىرۋ بويىنشا بىرقاتار جوبا تالقىلاندى

10 رەت كورسەتىلدى

يدم ءباسپاسوز قىزمەتى حابارلاعانداي، اعىمداعى جىلدىڭ 10 تامىزىندا قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى "Astana Hub" IT ستارتاپتاردىڭ حالىقارالىق تەحنوپاركىمەن بىرلەسىپ، ۆيتسە-مينيستر د. ر. ششەگلوۆانىڭ توراعالىعىمەن سۋ كولىگىن تسيفرلاندىرۋ بويىنشا كەلەسى جوبالاردى تالقىلاۋ ءۇشىن تسيفرلاندىرۋ كۇنىن وتكىزدى.

- "كەمە جۇيەلەرىنىڭ مونيتورينگى";

- ء"تۇبىن تەرەڭدەتۋ جۇمىستارىنىڭ كەشەنى";

- "ناۆيگاتسيالىق بەلگىلەر".

ءىس-شارانى وتكىزۋدىڭ ماقساتى: ديالوگتى ۇيىمداستىرۋ، ساپالى جوبالار مەن ۇسىنىستاردى ازىرلەۋ، مەملەكەتتىك ورگاندى تسيفرلاندىرۋ مىندەتتەرى بويىنشا نارىقتىڭ حاباردار بولۋىن ارتتىرۋ.

قازاقستاندا وزەن كەمە قاتىناسى ەرتىس، ورال-كاسپي جانە ىلە-بالقاش باسسەيندەرىندە جالپى ۇزىندىعى 4040،5 كم كەمە قاتىناسى ۋچاسكەلەرىندە جۇزەگە اسىرىلادى، ونىڭ ىشىندە:

- ەرتىس باسسەينى بويىنشا قحر شەكاراسىنان رف شەكاراسىنا دەيىن-1719،5 كم (شقو-1116،5 كم; پاۆلودار وبلىسى – 603 كم);

- جايىق-كاسپي باسسەينى رۋبەجكا كەنتىنەن (بقو) ورال-كاسپي كانالىنا كىرەتىن بۋياعا دەيىن-1013 كم (بقو – 623 كم، اتىراۋ وبل. – 390 كم، ونىڭ ىشىندە ورال-كاسپي كانالى);

- ىلە-بالقاش باسسەينى-1308 كم (ىلە وزەنى-220 كم، قاپشاعاي سۋ قويماسى. – 110 كم، كول.بالقاش - 978 كم).

كەمەلەردىڭ نەگىزگى ورنالاسۋ ورىندارى وسكەمەن، سەمەي، پاۆلودار، ورال، اتىراۋ، بالقاش جانە قاپشاعاي قالالارىندا ورنالاسقان.

ءىس-شارا بارىسىندا سۋ كولىگىن تسيفرلاندىرۋ بويىنشا جوسپارلار مەن وسى سالاداعى پروبلەمالار قارالىپ، تالقىلاندى. سونداي-اق، ۆيتسە-مينيستر د. ر. ششەگلوۆا كەمە قاتىناسىنىڭ قاۋىپسىزدىگى مەن تيىمدىلىگى جاسالاتىن جاعدايلارعا بايلانىستى ەكەنىن، ول ءۇشىن سۋ كولىگى سالاسىنىڭ، ونىڭ ىشىندە سۋ كولىگىن باقىلاۋدىڭ ساپاسىن جاقسارتۋ ءۇشىن جوبالار ۇسىنىلعانىن اتاپ ءوتتى.

سونىمەن قاتار ات كومپانيالارى يدم جانە "قازاقستان سۋ جولدارى" رمقك وكىلدەرىنەن سۋ كولىگى بويىنشا وزدەرىن قىزىقتىرعان سۇراقتارعا جاۋاپ الدى، كەمەلەردىڭ اعىمداعى جاعدايلارى تالقىلاندى، سونداي-اق ات كومپانيالارى تاراپىنان ات شەشىمدەرى ۇسىنىلدى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار