اباي • 10 تامىز، 2020

"اباي كۇنى" – رۋحانيات مەرەكەسى

165 رەت كورسەتىلدى

اباي ادامزاتتىڭ ابايى. ونىڭ تەرەڭ ءپالساپاسى، مازمۇندى ءھام ماعىنالى قارا سوزدەرى، نادان بولماي، ادام بولۋعا شاقىراتىن ماڭگىلىك شىعارمالارى، رۋحاني مول مۇراسى، كلاسسيكالىق اندەرى كۇللى ادامزاتقا ورتاق.

نەمىستەر گەتەسىمەن، ورىستار پۋشكينىمەن ماقتانادى. ال ءبىز حالقىمىزدى وركەنيەتتىڭ ورىنە قاراي جەتەلەگەن، قالىڭ ەلدىڭ ابايىمەن ماقتانا الامىز. اباي ەشكىمگە ۇقسامايتىن بولمىسىمەن، اسقان دارىنىمەن الەمدىك دارەجەدەگى دارا تۇلعا بولىپ قالا بەرمەك. ول قازاقتىڭ قاسيەتتى توپىراعى تۋدىرعان الەمنىڭ پەرزەنتى.    

ويتكەنى، اقىننىڭ دۇنيەتانىمى، وزات ويلارى، سالماقتى سوزدەرى، وزەكتىلىگىن جويمايتىن ءپالساپاسى قاي جەردە، قاي ورتادا، قاي ەلدە بولماسىن ءوتىمدى ءارى اكتاۋلدى. ونىڭ ادامزاتقا اۋاداي قاجەت تۋىندىلارى ەشقاشان ولمەيدى. كەرىسىنشە زەردەلەنىپ، زەرتتەلە بەرەدى.                                                                 

راسىندا، "مەن ءبىر جۇمباق اداممىن…" - دەگەن عۇلامانىڭ سىرلى الەمى ءالى دە جۇمباق. ابايدى وقىعان سايىن جاڭارىپ، تازارا بەرەسىڭ. تەرەڭىنە بويلاعان سايىن ويلانا تۇسەسىڭ. مىنا سۇلۋ دۇنيە ەسىگىن اشىپ، رۋحاني قۇندىلىققا ۇمتىلعىسى كەلگەن ءاربىر ادام، ابايدىڭ شىعارمالارىمەن ەتەنە تانىسۋ كەرەك. ويتكەنى، اباي قاي زاماندا بولماسىن ۇلى كەمەڭگەر بولىپ قالادى.  ابايدىڭ ويى، اقىننىڭ تولعانىسى، دانىشپاننىڭ قايعىسى – بۇتىندەي تىرشىلىكتىڭ ءۇنى، تۇتاس قوعامنىڭ ءسوزى دەپ ۇعىناتىن ۋاقىت كەلدى. اباي ادامزات تاريحىندا ەندى قايتىپ كەلمەيتىن تۇلعا.    

ءيا، اباي ناداندىقتىڭ قۇلپى، ادامدىقتىڭ كىلتى. اباي مەكتەبى – رۋحانياتتىڭ كاۋسار بۇلاعى! ونىڭ  تاعلىمىن  تانىعان كىسى كەمەل كەلەشەككە بەت بۇراتىنى اقيقات. "تەگىندە ادام بالاسى ادام بالاسىنان اقىل، عىلىم، ار، مىنەز دەگەن نارسەلەرمەن وزادى. ودان باسقا نارسەمەن وزدىم عوي دەمەكتىڭ ءبارى دە – اقىماقشىلىق" - دەيدى دانىشپان. دەمەك، ءبىز ابايدىڭ جارىق، نۇرلى الەمىمەن سۋسىنداعان سايىن، عىلىم، بىلىمگە ۇمتىلىپ، ونەر ۇيرەنەمىز. ونداي ادامنىڭ بولاشاعى ب ۇلىڭعىر تارتپاسى حاق.                                                        

بيىل ۇلى حاكىمنىڭ 175 جىلدىق مەرەيتويى قارساڭىندا، قازاقستان جازۋشىلار وداعى باسقارماسىنىڭ  ۇسىنىسىمەن مەملەكەت باسشىسى قاسىم – جومارت كەمەل ۇلى توقاەۆ 10 تامىزدى "اباي كۇنى" دەپ بەلگىلەدى. بۇل راسىندا كوڭىل قۋانتارلىق جاڭالىق بولدى. شىن مانىسىندە "اباي كۇنى" جاي عانا اتاۋلى كۇن ەمەس. "اباي كۇنى" – رۋحانيات مەرەكەسى. ءدال وسى كۇنى ءاربىر ادام بالاسى ابايدى قانشالىقتى تاني الدىم، قانشىلىقتى زەرتتەي الدىم، قانشالىقتى جۇرەگىنىڭ تۇبىنە تەرەڭ بويلاي الدىم دەپ، ءوز-وزىنە سۇراق قويىپ، سوعان جاۋاپ بەرۋى ءتيىس دەپ ەسەپتەيمىز. انىعىندا، "اباي كۇنى" رۋحاني جاڭعىرۋدىڭ جارقىن ۇلگىسى.       

ەرلان داكەنوۆ،   
نۇر-سۇلتان قالاسى اكىمدىگىنىڭ    
مەملەكەتتىك اكادەميالىق   
فيلارمونياسىنىڭ باس ديرەكتورى                 
      

سوڭعى جاڭالىقتار

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

ۇقساس جاڭالىقتار