اتالعان اۋداندا "اۋىل – ەل بەسىگى" جانە "جۇمىسپەن قامتۋدىڭ جول كارتاسى" مەملەكەتتىك باعدارلامالارى اياسىندا 40-تان استام جوبا ىسكە اسىرىلىپ جاتىر. بۇعان 3 ميلليارد تەڭگە شاماسىندا قاراجات ءبولىنىپ, 210-عا جۋىق جەرگىلىكتى تۇرعىن جۇمىسپەن قامتىلعان.
سەناتور جاڭا وقۋ جىلىندا قاشىقتان وقىتۋ فورماتى جالعاساتىنىن ەسكەرىپ, ءبىلىم بەرۋ ۇدەرىسىن قامتاماسىز ەتەتىن ينتەرنەت بايلانىسىنىڭ ساپاسىنا نازار اۋداردى. سونداي-اق اۋدانداعى مەكتەپتەردىڭ جوندەۋ جۇمىستارىمەن دە تانىستى. جەرگىلىكتى اتقارۋشى ورگان وكىلدەرى دايىندىق جۇمىستارى جوسپارعا ساي جۇرگىزىلىپ جاتقانىن جانە وقۋشىلاردىڭ تولىققاندى ءبىلىم الۋلارى ءۇشىن بارلىق جاعدايدىڭ جاسالاتىنىن, سونىڭ ىشىندە مەكتەپتەردىڭ تەحنيكالىق قاجەتتىلىكتەرمەن قامتىلاتىنىن جەتكىزدى.
سونىمەن قاتار رىسقالي ابدىكەروۆ اۋدانداعى مەديتسينالىق مەكەمەلەردىڭ جانە ءدارىحانالاردىڭ جۇمىسىنا, اسا قاجەتتى ءدارى-دارمەكتەردىڭ جەتكىلىكتى ەكەنىنە ەرەكشە كوڭىل ءبولدى. ورتالىق اۋداندىق اۋرۋحاناعا ارنايى بارعان دەپۋتاتقا ماماندار مەديتسينالىق پرەپاراتتاردىڭ جەتكىلىكتى ەكەنىن جانە قاجەتتى قورى جينالعانىن ايتتى. بۇگىندە اۋدان بويىنشا كوروناۆيرۋس جۇقتىرعان 142 ناۋقاس تىركەلگەن. دارىگەرلەردىڭ جانكەشتىلىگىنىڭ ارقاسىندا ولاردىڭ 109-ى ەمدەلىپ شىقتى. سەناتور حالىقپەن كەرى بايلانىس ورناتۋدىڭ ماڭىزىنا توقتالىپ, بۇگىنگىدەي كۇردەلى كەزەڭدە ونىڭ وزەكتىلىگى ارتا تۇسكەنىن تىلگە تيەك ەتتى.
ودان بولەك, سەنات دەپۋتاتى "قازاقمىس" كورپوراتسياسىنىڭ ء"بورلى" كومىر رازرەزىنە بارىپ, شاحتەرلەردىڭ پاندەميا كەزىندەگى جاعدايىمەن جانە جۇمىسىمەن تانىستى. سونداي-اق جانسارى اۋىلىندا ورنالاسقان بيە سۇتىنەن قۇرعاق ۇنتاق وندىرەتىن كاسىپورىنعا دا ارنايى ات باسىن بۇردى. بۇل جەردە 150 ادام جۇمىسپەن قامتىلعان. زاۋىت باسشىلىعىمەن كەزدەسۋىندە دەپۋتات مەملەكەت تاراپىنان اۋىل شارۋاشىلىعىنا كورسەتىلىپ جاتقان قولداۋ شارالارىنا توقتالدى.
رىسقالي ابدىكەروۆتىڭ قاراعاندى وبلىسىنا جۇمىس ساپارى ءالى دە جالعاسادى. الدا ءوڭىر باسشىلىعىمەن كەزدەسۋلەر جانە تاعى بىرنەشە اۋدانعا ساپارلار جوسپارلانعان.
