قازاقستان • 10 تامىز، 2020

جاس جاۋىنگەرلەرگە دايىندىق كۋرستارى ءوتىپ جاتىر

13 رەت كورسەتىلدى

قر ءىىم ۇلتتىق ۇلان شىعىس قازاقستان وبلىسى ايماعىنىڭ 6699 اسكەري بولىمىندە جاس جاۋىنگەرلەرگە ارنالعان وقۋ-جاتتىعۋ، دايىندىق كۋرستارى ءوتىپ جاتىر. بۇل تۋرالى Polisia.kz-كە سىلتەمە جاساي وتىرىپ Egemen.kz حابارلايدى. 

قازاقستان رەسپۋبليكاسى ىشكى ىستەر مينيسترلىگىنىڭ شقو قاجد وۆ 156/6 مەكەمەسىنىڭ ەڭ نەگىزگى تۇزەۋ مەكەمەسىندەگى كۇزەتتىك مىندەتىن 6699 ۇلتتىق ۇلان اسكەري ءبولىمى ساربازدارى مەن اسكەري قىزمەتكەرلەرى اتقارادى.

وسى جىلدىڭ كوكتەم ايىندا ازاماتتىق بورىشىن وتەۋگە ەلىمىزدىڭ ءار ايماعىنان كەلگەن 46 جاس سارباز وتان قورعاۋشىلارمەن تەڭ دارەجەدە ساپقا تۇرۋ ءۇشىن ءبىر ايدان اسا ۋاقىت ارنايى دايىندىق كۋرسىنان ءوتىپ جاتىر. جاس جاۋىنگەرلەرگە مەكەمە قىزمەتكەرلەرى مەن اسكەري ءبولىم قىزمەتكەرلەرى اسكەري قارۋ-جاراق اك-74 اۆتوماتىن تانىستىرىپ، قولدانۋ ءتارتىبىن، ماقساتىن ءتۇسىندىرىپ ءوتتى. كوروناۆيرۋس ىندەتىنىڭ تارالۋىن بولدىرماۋ ءۇشىن اتالعان شارا 6699 ۇلتتىق ۇلان اسكەري ءبولىمىنىڭ دالاداعى پلاتس ايماعىندا كارانتيندىك ءتارتىپتى ساقتاۋمەن، قاشىقتىقتى ساقتاۋمەن وتكىزىلدى.

ءاربىر جاس جاۋىنگەر قولىنا قارۋ الىپ، وقۋ جاتتىعۋ ساباقتارىنان ءوتىپ، بەرىلگەن قارۋدى قولدانۋ ءتارتىبى مەن ماقساتى جانە اسكەري مىندەتتىلىكتىڭ ماڭىزى تۋرالى تۇسىنىكتەن حاباردار بولدى. ەلىمىزدەگى قوعام مەن مەملەكەتتىڭ قاۋىپسىزدىگىن قامتاماسىز ەتۋ – قر ءىىم ۇلتتىق ۇلاننىڭ باستى مىندەتى بولىپ تابىلادى.

وسى اسكەري ءبولىمىنىڭ روتا كومانديرىنىڭ ورىنباسارى د.تۋكتىباەى: – اسكەرگە الىنعان بوزبالالار تىڭعىلىقتى ازىرلەنۋدە، ساربازدار جاس جاۋىنگەرلەر كۋرسىنان ءوتىپ، ولارعا قر قارۋلى كۇشتەرىنىڭ تاريحىن، اسكەري ءىستىڭ نەگىزدەرىن، ساپ دايىندىعىنان وتۋدە. باتىلدىق پەن قىراعىلىق، اسكەري انتقا ادالدىق تۋرالى تۇسىنىكپەن تانىستىرىلۋدا، – دەپ ايتىپ ءوتتى.

بۇگىندە قر ءىىم قاراستى ۇلتتىق ۇلان اسكەرى قوعامدىق تىنىشتىقتى ساقتاۋ، ماڭىزدى مەملەكەتتىك نىسانداردى، سونىڭ ىشىندە تۇزەۋ مەكەمەلەرىن كۇزەتۋ مەن قورعاۋ، مەملەكەت اياسىندا وتكىزىلەتىن ءىس-شارالاردىڭ قاۋىپسىزدىگىن قامتاماسىز ەتۋ سەكىلدى بىرقاتار وزىنە جۇكتەلگەن مىندەتتەردى تابىستى ورىنداۋدا.

– قولدارىنا العان قارۋلارىن تەك وقۋ جاتتىعۋ ساباقتارىندا عانا قولدانىپ، وتان الدىنداعى بورىشتارىن ابىرويمەن، تاباندىلىقپەن، توزىمدىلىكپەن وتكىزسىن. اعايىن-تۋىستارى مەن اكە-شەشەلەرىنە امان-ەسەن ورالسىن، – دەپ وۆ 156/6 مەكەمەسىنىڭ تاربيە بولىمىمەن ءتارتىپ ءبولىمىنىڭ قىزمەتكەرلەرى جاس جاۋىنگەرلەرگە ارناپ تىلەكتەرىن ءبىلدىردى. 

سوڭعى جاڭالىقتار

ۇقساس جاڭالىقتار