ءبىلىم • 09 تامىز، 2020

ءبىلىم جانە عىلىم ءمينيسترى ۇستازدارعا جەكە-جەكە حات جولدادى

550 رەت كورسەتىلدى

ەلىمىزدىڭ ءبىلىم جانە عىلىم ءمينيسترى اسحات ايماعامبەتوۆ ەلىمىزدىڭ بارلىق ۇستازدار قاۋىمىنا ارناپ حات جولدادى، دەپ حابارلايدى Egemen.kz

"قىمباتتى ارىپتەس! ءسىز وسى قيىن كەزەڭنەن وتباسىڭىزبەن بىرگە امان-ەسەن ءوتىپ، دەنساۋلىعىڭىزعا ەش قاۋىپ تونبەيتىن جاعدايدا ءجۇرسىز دەگەن ۇمىتتەمىن. سىزگە پاندەميا جاعدايىنداعى باعا جەتپەس ۇستازدىق ەڭبەگىڭىز ءۇشىن، جانكەشتى جۇمىسىڭىز بەن كەز كەلگەن ۋاقىتتا بالالارىمىزعا تىرەۋ بولۋعا دەگەن ىزگى نيەتىڭىز ءۇشىن شىن جۇرەكتەن العىسىمدى بىلدىرەمىن. ءبىز سىزبەن وسىناۋ قيىن ۋاقىتتى ەڭسەرۋ جولىندامىز. كوروناۆيرۋس پاندەمياسى بارشامىزدىڭ تۇرمىس-تىرشىلىگىمىزگە اسەر ەتتى. سۇرىنبەي وتۋگە ءتيىس ءتۇرلى سىناقتارعا تولى ۋاقىت باستالدى. وسىدان جارتى جىل بۇرىن مۇندايدى ءتىپتى ەلەستەتپەگەن ەدىك. وكىنىشكە وراي، جاقىن ادامدارىمىزدان ايىرىلىپ جاتىرمىز. ءبىلىم جانە عىلىم جۇيەسى ادامي قۇندىلىقتاردى دارىپتەگەن، ۇرپاقتى تاربيەلەپ، ءبىلىم بەرگەن اردا ازاماتتارىنان – سالا ارداگەرلەرىنەن، ءبىزدىڭ قىمباتتى ارىپتەستەرىمىزدەن ايىرىلۋدا. تۋىستارى مەن دوستارى كوز جۇمعان ارىپتەستەرىمنىڭ قايعىلارىنا ورتاقتاسىپ، كوڭىل ايتامىن. ءدال قازىرگى قيىن كەزەڭدە جاقىندارىمىز بەن ءوز ءومىرىمىزدىڭ، دەنساۋلىعىمىز بەن قاۋىپسىزدىگىمىزدىڭ ماڭىزى مەن قادىرىن ءتۇسىنىپ، باعالاۋدى ۇيرەنىپ جاتىرمىز. كەز كەلگەن قيىندىق ءبىزدى شىڭداي ءتۇسىپ، سىناقتار جىگەرىمىزدى قايراپ، رۋحىمىزدى مىقتى ەتەدى"، دەپ مينيستر ءاربىر مۇعالىمگە حات جولدادى.

وسى ورايدا ول وسىناۋ قيىن-قىستاۋ كەزەڭدە بىرگە بولۋىمىز اسا ماڭىزدى ەكەنىن ايتا كەلە: ء"بىزدىڭ كۇشىمىز – ءبىزدىڭ بىرلىگىمىزدە. ءبىز كەز كەلگەن قيىن مىندەتتەردى بىردە-ءبىر بالانى ەسكەرۋسىز قالدىرماي، بىرلەسە وتىرىپ شەشە الامىز. ارىپتەسىم، سىزگە مىنانى ايتقىم كەلەدى! قازىر بىزگە بالالارىمىز بەن ولاردىڭ بولاشاعى ءۇشىن جانە تەك ءبىلىمى عانا ەمەس، دەنساۋلىعى مەن مورالدىق جاعدايى ءۇشىن دە ۇلكەن جاۋاپكەرشىلىك جۇكتەلىپ وتىر. وقۋشىلارىمىزدىڭ مەيلىنشە قاۋىپسىز ءارى جايلى ورتادا ءبىلىم الۋىنا قاجەتتى جاعدايدىڭ بارلىعىن جاساۋىمىز كەرەك"، دەدى ا.ايماعامبەتوۆ.

وسى تۇستا ۇستازداردىڭ ءبىلىم جولىنداعى ەرەن ەڭبەگى بولاشاقتا كورىنىس تاباتىنىنا سەنىمىن ءبىلدىردى.

ءبىلىم جانە عىلىم ءمينيسترى: "جاعداي ورنىعادى. دارىگەرلەرمەن بىرىگىپ ءبىز ىندەتتى بىرگە جەڭەمىز، بۇرىنعى ءومىر بىرتىندەپ قالپىنا كەلە باستايدى. وعان دەيىن ءبارىمىز وقۋشىلار مەن اتا-انالارعا جانە ءبىر-بىرىمىزگە تىرەۋ بولا ءبىلۋىمىز قاجەت. العىس ايتۋدىڭ ەشقاشان ارتىقشىلىعى بولمايدى. سوندىقتان مەن سىزگە ءتورتىنشى توقساندا اتقارعان ەرەن ەڭبەگىڭىز ءۇشىن تاعى ءبىر مارتە راقمەتىمدى ايتقىم كەلەدى. ءسىز – ناعىز باتىرسىز. ءسىزدىڭ قۋاتتى قولداۋىڭىزدى سەزىنىپ وتىرمىن. سول سەبەپتى دە ەرتەڭ بالالارىمىزدىڭ ءبىلىمىن جەتىلدىرۋ جولىندا ەش كەدەرگى بولمايتىنىنا سەنەمىن"، دەدى ول.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار