مەديتسينا • 08 تامىز، 2020

كوروناۆيرۋس ۆاكتسيناسىنىڭ التاۋى كلينيكالىق سىناقتان ءوتىپ جاتىر

140 رەت كورسەتىلدى

الەمدە 200-دەن استام كوروناۆيرۋستىق ۆاكتسينالار جاسالدى. ولاردىڭ التاۋى جەتىلدىرىلگەن ساتىدا –  كلينيكالىق زەرتتەۋلەردەن ءوتىپ جاتىر. "بۇل تۋرالى  بۇكىلالەمدىك دەنساۋلىق ساقتاۋ ۇيىمىنىڭ (ددۇ) باس ديرەكتورى تەدروس ادانوم گەبرەيۋس امەريكانىڭ اسپەن قالاسىنداعى قاۋىپسىزدىك فورۋمىندا ونلاين-پىكىرسايىس بارىسىندا ايتتى. ونىڭ قويىلىمى YouTube جەلىسىندە جاريالاندى"، دەپ حابارلايدى Egemen.kz

"بىزدە 200-دەن استام كانديداتتىق ۆاكتسينالار بار، ولاردىڭ التاۋى كلينيكالىق زەرتتەۋلەردە وتە جاقسى ساتىدا"، دەدى ول.

باس ديرەكتور كوروناۆيرۋستىق ۆاكتسينانى الەم تۇرعىندارى ءۇشىن بولاشاق ۆاكتسينانىڭ بولۋىن جاقتاپ، كوروناۆيرۋستىق ۆاكتسينانى "قوعامدىق يگىلىك" رەتىندە قاراۋ كەرەكتىگىن باسا ايتتى. الايدا ول "كەز كەلگەن ۆاكتسينانى عالامدىق قوعامدىق ءونىم رەتىندە قاراۋ كەرەك" دەپ جاھاندىق كونسەنسۋس قاجەت دەپ ءتۇسىندىردى. ەگەر ۆاكتسينا بارلىعىنا قولجەتىمدى بولسا، پاندەميادان كەيىن الەمدەگى ەكونوميكالىق قالپىنا كەلتىرۋ تەزىرەك ءجۇرۋى مۇمكىن"، دەدى ول.

قازىرگى ۋاقىتتا ءتيىمدى ۆاكتسيناعا مۇمكىندىك تۋىپ تۇر. "بىراق كلينيكالىق زەرتتەۋلەردىڭ ناتيجەلەرىنسىز ءبىز ۆاكتسينا بار دەپ ايتا المايمىز"،  دەپ قورىتىندىلادى ددۇ باسشىسى.

ددۇ باسشىسى تيىمدىلىك پەن قاۋىپسىزدىك – كوروناۆيرۋسقا قارسى ۆاكتسينانىڭ نەگىزگى تالاپتارى ەكەنىن ايتتى. سونداي-اق ددۇ دەنساۋلىق ساقتاۋ سالاسىنداعى توتەنشە جاعدايلار جونىندەگى باعدارلامانىڭ ديرەكتورى مايكل رايان وسى جيىندا رەسەيدە ۆاكتسيناتسيا قازان ايىندا باستالۋى مۇمكىن دەگەن اقپاراتقا تۇسىنىكتەمە بەردى.

"ۆاكتسينا قاۋىپسىز جانە ءتيىمدى بولۋى كەرەك. كەيدە جاناما اسەرلەر ۆاكتسينانى كوپتەگەن ادام قابىلداعان كەزدە عانا بايقالادى. سوندىقتان ادامنىڭ اعزاسىنا قاۋىپ تونبەيتىنى كلينيكالىق جاعدايدا دالەلدەنگەن كەزدە عانا ونى قولدانۋعا رۇحسات بەرىلەدى"، دەپ ءسوزىن تۇيىندەدى مايكل رايان.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار