كەزدەسۋدە ەكىجاقتى بايلانىستاردىڭ وزەكتى ماسەلەلەرى تالقىلانىپ, جوعارى وقۋ ورىندارى اراسىندا ىنتامقتاستىقتى كەڭەيتۋ, سونداي-اق قازاقستان مەن يزرايلدە كوروناۆيرۋستى تەجەۋ شارالارى تۋرالى جانە ەكونوميكالىق جاعدايعا قاتىستى پىكىر الماسۋ بولدى.
ەلشى پاندەميامەن بىرلەسكەن كۇرەس اياسىندا ءيزرايلدىڭ جۋىردا نۇر-سۇلتاندا Mashav اگەنتتىگىنىڭ اتىنان تاپسىرعان گۋمانيتارلىق كومەگى ءۇشىن العىس ءبىلدىردى. سونىمەن قاتار ءيزرايلدىڭ جەتەكشى مەديتسينالىق ورتالىقتارى مەن قازاقستان دارىگەرلەرىنىڭ اراسىندا ورىن العان كونسۋلتاتسيالاردىڭ ماڭىزدىلىعى جانە ولاردىڭ تامىز ايىندا جالعاسۋى جوسپرلانعانى تۋرالى اڭگىمە بولدى.
تاراپتار پاندەميا جاعدايىندا بيىلعى جىلدىڭ العاشقى 5 ايى ىشىندە ەلدەرىمىز اراسىنداعى ساۋدا اينالىمى 200 ملن اقش دوللارىن قۇراعانى تۋرالى مالىمدەپ, ونى ءوسىرۋ ماقساتىندا ساۋدا-ەكونوميكالىق ىنتىماقتاستىق جونىندەگى بىرلەسكەن كوميسسيانىڭ قىزمەتىن جانداندىرۋ قاجەتتىلىگى تۋرالى كەلىستى. وسى باعىتتا ەلشىلىك جاقىن ارادا يزرايل كاسىپكەرلەرىنىڭ جانە Kazakh Invest ۇلتتىق كومپانياسىنىڭ قاتىسۋىمەن ونلاين بيزنەس-فورۋمىن ۇيىمداستىراتىنى بەلگىلى بولدى.
