رۋحانيات • 08 تامىز، 2020

اباي كۇنى "استانا وپەرا" ۇلتتىق ونەردىڭ شەدەۆرىن ۇسىنادى

43 رەت كورسەتىلدى

ۇلتتىق كلاسسيكانىڭ تىڭ جاڭالىعى – ا.جۇبانوۆتىڭ "اباي" وپەراسى، ل.ءحاميديدىڭ نۇسقاسىندا جازىلعان م.اۋەزوۆتىڭ ليبرەتتوسىن 10 تامىز كۇنى Tengri TV-دە جانە "اباي تۆ" تەلەارناسىندا كورسەتىلەدى، دەپ حابارلايدى Egemen.kz

"سىزدەرمەن بىرگە جاڭا مەرەكە – اباي كۇنىنىڭ تويلاناتىنا كۋا بولا الامىز. ول الەمدىك كلاسسيكالىق ونەردىڭ ەڭ ايشىقتى وقيعالارىنىڭ قاتارىندا لايىقتى ورىن الاتىنىنا سەنىمدىمىن. "استانا وپەرا" تەاترى ۇجىمىنىڭ اتىنان وسى تاماشا وقيعانىڭ باستاماشىسى بولعان مادەنيەت جانە سپورت مينيسترلىگىنە العىسىمدى بىلدىرەمىن. وسى ايتۋلى كۇنى "استانا وپەرا ء"وزىنىڭ ەڭ ۇزدىك سپەكتاكلدەرىنىڭ ءبىرى – Tengri TV-دە جانە جاقىندا اشىلعان "اباي تۆ" تەلەارناسىندا "اباي" وپەراسىن ۇسىنادى. ەستەرىڭىزگە سالا كەتەيىن، تەاتر وسى تۋىندىنى قويعانى ءۇشىن قر مەملەكەتتىك سىيلىعىن الدى. سپەكتاكلدى كورۋ كەزىندە بارشا قازاقستاندىقتارعا اعارتۋشى، فيلوسوف، ويشىل، اقىن، حاكىم اباي قۇنانباەۆتىڭ كەرەمەت الەمىنە ەنۋدى تىلەيمىن. ونىڭ ىرگەلى يدەيالارى بۇگىنگى كۇنى دە وزەكتى"، دەپ اتاپ ءوتتى قازاقستاننىڭ ەڭبەك سىڭىرگەن قايراتكەرى "استانا وپەرا" موبت ديرەكتورى عالىم احمەدياروۆ.

"اباي" وپەراسىنىڭ ەلوردالىق تۇساۋكەسەرىمەن مۋزىكاتانۋشىلار وسى ۇلتتىق شەدەۆردىڭ دامۋىنداعى جاڭا كەزەڭدى بايلانىستىراتىنىن اتاپ وتكەن ءجون.

سىنشىلاردىڭ پىكىرىنشە، "استانا وپەرا" قويىلىمى تەاتر شىعارماشىلىعىنداعى جاڭا دەڭگەي، قازاقستاننىڭ وپەرا ونەرىندەگى جاڭا كەزەڭ بولىپ تابىلادى. بۇل مۋزىكالىق جانە ساحنالىق تۋىندىنىڭ تاعدىرىندا ول كلاسسيكالىق الەمدىك تۇسىنىكتە وپەرالىق جەتىلۋدەگى بيىكتىككە كوتەرىلۋدىڭ وزىندىك ناتيجەسى بولىپ كورىنەدى.

سوڭعى جاڭالىقتار

شىعىسقا قار ءتۇستى

ايماقتار • كەشە

ۇقساس جاڭالىقتار