ايماقتار • 07 تامىز، 2020

وسىمدىك تەكتەس ەسىرتكىنىڭ ءىرى پارتياسى تاسىمالدانعان اۆتوكولىك توقتاتىلدى

10 رەت كورسەتىلدى

اقتوبە وبلىسى اۋماعىندا 1 ماۋسىمنان 30 قازانعا دەيىن قۇرامىندا ەسىرتكى بار وسىمدىكتەردىڭ ەگىستەرىن زاڭسىز ءوسىرۋدىڭ، ەسىرتكى تاراتۋعا ماماندانعان ۇيىمداسقان قىلمىستىق توپتاردى جويۋدىڭ جولىن كەسۋگە باعىتتالعان “قاراسورا-2020” رەسپۋبليكالىق جەدەل-الدىن الۋ ءىس-شاراسى وتكىزىلەدى، – دەپ حابارلايدى Polisia.kz.

4 تامىز ساعات 10.21-دە “قاراسورا 2020” جەدەل الدىن الۋ ءىس-شاراسىن وتكىزۋ كەزىندە پوليتسەيلەر وسىمدىك تەكتەس ەسىرتكى قۇرالدارىنىڭ ءىرى پارتياسى تاسىمالدانعان اۆتوكولىكتى ۇستادى.
 
– پوليتسياعا اقتوبە وبلىسىنىڭ تۇرعىندارى اۆتوكولىكپەن ەسىرتكى زاتتارىن تاسىمالدايتىنى تۋرالى جەدەل اقپارات كەلىپ ءتۇستى. جەدەل ءىس-شارانى جۇزەگە اسىرۋ بارىسىندا پاترۋلدىك پوليتسيا روتاسىنىڭ قىزمەتكەرلەرى “سامارا-شىمكەنت” تاس جولىنىڭ 842 شاقىرىمىندا “داستارحان” كەمپينگىنىڭ جانىندا بايعانين اۋدانى تۇرعىنىنىڭ باسقارۋىنداعى “لادا ح-رەي” اۆتوكولىگىن توقتاتتى. اۆتوكولىك سالونىندا ەكى جولاۋشى بولعان. “بونا” قىزمەتتىك-ىزدەستىرۋ يتىمەن كولىك قۇرالىن سانكتسيالانباعان ءتىنتۋ كەزىندە اۆتوكولىكتىڭ سالونىندا وسىمدىك تەكتەس، جاسىل ءتۇستى، وزىنە ءتان ءيىسى بار، شامامەن بەس كەلىدەي ەسىرتكى زاتى تابىلدى. تەرگەۋ امالدارى جۇرگىزىلۋدە. كۇدىكتى حرومتاۋ اۋداندىق پب ۋاقىتشا ۇستاۋ يزولياتورىنا قامالدى. جولاۋشىلارعا قاتىستى بۇلتارتپاۋ شاراسى-ەشقايدا كەتپەۋ تۋرالى قولحات تاڭدالدى، – دەپ ءتۇسىندىردى وبلىستىق پد باستىعىنىڭ ورىنباسارى قانات نۇرماعامبەتوۆ.
 
اتالعان فاكتى بويىنشا قر قك 296-بابى “ەسىرتكى زاتتاردى وتكىزۋ ماقساتىنسىز زاڭسىز پايدالانۋ” بويىنشا سوتقا دەيىنگى تەرگەۋ باستالدى. اقتوبە وبلىسىنىڭ پد قىزمەتكەرلەرى “قاراسورا” جەدەل الدىن الۋ ءىس-شاراسى باستالعاننان بەرى 75 قۇقىقبۇزۋشىلىقتى انىقتادى، ونىڭ ىشىندە ءبىر فاكتى پريتوندى ۇستاۋ، ءتورت وتكىزۋ، جەتى ءوسىرۋ جانە ەكى ساقتاۋ فاكتىسى جانە 61 قىلمىستىق تەرىس قىلىق.
سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار