مەديتسينا • 07 تامىز، 2020

ۆيتسە-مينيستر كوروناۆيرۋستىڭ ەكىنشى تولقىنىنا دايىن بولۋ كەرەك ەكەنىن ايتتى

2871 رەت كورسەتىلدى

بۇگىن وكق بريفينگىندە دەنساۋلىق ساقتاۋ ۆيتسە-ءمينيسترى ليۋدميلا بيۋرابەكوۆا اۋرۋحانالاردا قوسىمشا توسەك ورىندارىن جاساقتاۋ جوسپارلانعانىن ايتتى، دەپ حابارلايدى Egemen.kz

دەنساۋلىق ساقتاۋ ۆيتسە-ءمينيسترى ليۋدميلا بيۋرابەكوۆانىڭ ايتۋىنشا، جانساقتاۋ بولىمدەرىن كەڭەيتۋ ءىس-شارالارى كۇن تارتىبىندە تۇرعانىن ايتىپ ءوتتى. بۇعان قوسا، كەزەكتى كوروناۆيرۋستىق ينفەكتسيانىڭ ەكىنشى تولقىنىنا ارنالعان بولجام دا ازىرلەنىپ جاتىر.

وسى ورايدا، شىلدە ايىندا ىندەتپەن اۋىرعان ناۋقاستارعا الدىن الا ەسەپتەۋ جۇرگىزىلىپ، اۋرۋحانالاردىڭ توسەك ورىن سانى مەن جانساقتاۋ بولىمدەرىن كەڭەيتۋ شارالارى جونىندە بولجامدار جاسالعان.

ليۋدميلا بيۋرابەكوۆا: "القاشقى بولجامدا تەك كوروناۆيرۋستىق ىندەتپەن اۋىراتىن ناۋقاستاردى عانا ەسەپكە العان. ال تامىزدىڭ 1-ىنەن باستاپ ەلىمىزدە كوروناۆيرۋس پەن پنەۆمونيانىڭ ستاتيستيكاسى بىرىكتىرىلگەن بولاتىن. وسىعان بايلانىستى بولجامدى قايتا قاراۋ تۋرالى شەشىم قابىلدانىپ جاتقانىن قوسا كەتتى".

سونداي-اق ۆيتسە-مينيستر جاھان بويىنشا پاندەميانىڭ ەكىنشى تولقىنى كۇزدە بولاتىنى تۋرالى ايتىپ ءوتتى. ەكىنشى تولقىنعا دايىن بولۋ ءۇشىن بولجامداردى دۇرىس ءارى ناقتى ازىرلەۋ كەرەكتىگىن مالىمدەدى. تاياۋ ارادا ارنايى جوسپارلانعان قۇجاتتى جاريالايتىنىن ناقتى ايتتى.

سوڭعى جاڭالىقتار

تاعى ءبىر اكىم قىزمەتىنەن كەتتى

ايماقتار • بۇگىن، 18:06

مەننيدىڭ تاعى ءبىر مارتتىگى

كاسىپقوي بوكس • بۇگىن، 16:32

ۇقساس جاڭالىقتار