ايماقتار • 07 تامىز، 2020

ەسىرتكى زەرتحاناسىن ۇيىمداستىرعاندار ۇستالدى

11 رەت كورسەتىلدى

27 شىلدەدە قر ۇلتتىق قاۋىپسىزدىك كوميتەتىنىڭ وكىلدەرى الماتى قالاسىندا زەرتحانا جاعدايىندا سينتەتيكالىق ەسىرتكى ءوندىرىسىن ۇيىمداستىرعان قازاقستاننىڭ ەكى ازاماتىن ۇستادى، دەپ حابارايدى Egemen.kz ۇقك ءباسپاسوز قىزمەتىنە سىلتەمە جاساپ.

"زەرتحانانى جانە ۇستالعانداردىڭ تۇرعىن ءۇيى مەن اۆتوكولىگىن ءتىنتۋ بارىسىندا ساتۋعا دايىن جانە كريستالداۋ كەزەڭىندە تۇرعان جالپى كولەمى 55 كگ-دان ارتىق جوعارى ساپالى "مەفەدرون" ەسىرتكى زاتى (الىنعان پارتيانىڭ "قارا نارىقتاعى" قۇنى شامامەن 1،5 ميلليارد تەڭگەنى قۇرايدى)، سونداي-اق ءىرى سوماداعى شەتەل ۆاليۋتاسى مەن اتىس قارۋى الىندى. ودان باسقا، ەسىرتكى ءوندىرۋدىڭ تولىق ءارى ساپالى تسيكلىن قامتاماسىز ەتەتىن زەرتحانا جابدىعى، 30 كگ ەسىرتكى جاساۋ ءۇشىن جەتكىلىكتى ءبىر تونناعا جۋىق پرەكۋرسور مەن حيميالىق رەاگەنتتەر الىندى"، -دەلىنگەن حابارلامادا.

قازىرگى تاڭدا قولعا تۇسكەن كۇدىكتىلەر تەرگەۋ يزولياتورىندا قاماۋدا جاتىر. ولاردىڭ ۇستىنەن قر قك 297-بابى 3-بولىگى بويىنشا (ەسىرتكى جاساۋ جانە وتكىزۋ فاكتىسى بويىنشا م ۇلىكىن تاركىلەۋ جانە ون بەس جىلعا دەيىنگى مەرزىمگە باس بوستاندىعىنان ايىرۋ) قىلمىستىق ءىس قوزعالدى.

"كۇدىكتىلەر باستاپقىدا تۇرعىلىقتى جەرى بويىنشا جاسىرىن ەسىرتكى سينتەزىن ۇيىمداستىرعان. كەيىننەن ەسىرتكى زاتىن ساتۋدان تۇسكەن اقشاعا "ىلە-الاتاۋ ۇلتتىق پاركى" اۋماعىندا كوتتەدج ساتىپ الىپ، وندا "مەفەدرون" ءوندىرۋ بويىنشا تولىققاندى جاسىرىن زەرتحانا اشقان. ونەركاسىپ اۋقىمىنداعىداي وندىرىلگەن ەسىرتكى ءىرى پارتيالاردا ينتەرنەت جەلىسىنىڭ "DarkNet" كولەڭكەلى سەگمەنتىندە ارەكەت ەتەتىن ءىرى ەسىرتكى دۇكەندەرىنىڭ وكىلدەرىنە وتكىزىلىپ وتىرعان. بۇل رەتتە، ەسىرتكى ءۇشىن تولەمدى باسىم كوپشىلىگىندە بيتكويندارمەن العان"، - دەپ جازدى قر ۇقك ءباسپاسوز قىزمەتى.

سوڭعى جاڭالىقتار

الىستان جەتكەن العىس

ايماقتار • بۇگىن، 14:10

ۇقساس جاڭالىقتار