تولەبيدەگى لەنگەركا وزەنىنىڭ ايماعى كوپتەگەن جىلدار بويى جوندەۋ جۇمىستارىن كورمەگەن. ءتىپتى سوڭعى ۋاقىتتا وزەننىڭ اينالاسى قوقىس توگەتىن جەرگە اينالىپ, جەرگىلىكتى تۇرعىنداردى ابىگەرگە سالىپ كەلگەن. جەرگىلىكتى بيلىك وكىلدەرى قالا تۇرعىندارىنىڭ بۇل ماسەلەسىن شەشىپ قانا قويماي, اۋماقتى اباتتاندىرۋدى دا ۇيعارىپتى. ەندى وزەن اينالاسى ساياباققا اينالماق.
قالانى اباتتاندىرۋ جۇمىستارى اۋدان ورتالىعىنىڭ بىرنەشە ۋچاسكەسىندە جۇرگىزىلۋدە. اۋدان اكىمى قالانىڭ ايتارلىقتاي وزگەرەتىنىنە سەنىمدى. بۇل جەرلەر قوناقجاي ورىنداردىڭ ءبىرى بولىپ, دەمالۋعا كەلگەن مەيماندار ءۇشىن بارلىق جاعداي جاسالادى دەپ وتىر.
باۋىرجان وماربەكوۆ, تولەبي اۋدانىنىڭ اكىمى: "اباتتاندىرۋ جۇمىستارى جالعاسۋدا, ءبىز تەك لەڭگىر بويىنشا عانا ەمەس, بۇكىل اۋدان بويىنشا جۇمىس ىستەيمىز. مىنە, ءبىزدىڭ اۋدانىمىزدىڭ سۇلۋلىعىن قاراڭىزشى. ءبىز ەسكى ۋچاسكەلەردى عانا ەمەس, بارلىق جەردە جاڭارتۋدى جوسپارلاپ وتىرمىز", دەيدى ول.
تولەبي اۋدانى جىل سايىن قازاقستاننان عانا ەمەس, تمد-نىڭ باسقا دا ەلدەرىنەن دە تۋريستەر كەلەتىن مەكەنگە اينالىپ وتىر. تابيعاتى سۇلۋ اۋدانداعى بارلىق ماڭىزدى جولدار ورتالىق ارقىلى وتپەك. اۋدان باسشىسى لەڭگىردىڭ جاڭا كەلبەتى تەك تۇرعىندار ءۇشىن جايلىلىق مەكەنى ەمەس, ءىرى ينۆەستورلاردى تارتۋدا دا ۇلكەن مۇمكىندىك تۋماق دەيدى.
