قوعام • 06 تامىز، 2020

اقپاراتتىق اعارتۋ شتابى ونلاين جۇمىس جۇرگىزەدى

263 رەت كورسەتىلدى

تۇركىستان وبلىسىندا سىبايلاس جەمقورلىققا قارسى ءىس-قيمىل اگەنتتىگىنىڭ باستاماسىمەن حالىقپەن سىندارلى سۇحبات قۇرۋ جانە اقپاراتتاندىرۋ شارالارى ارقىلى تۇتاستىق قاعيدالارىن كەڭىنەن دامىتۋ ماقساتىندا ارنايى قۇرىلعان وبلىستىق اقپاراتتىق-اعارتۋ شتابى جۇمىس ىستەيدى.

شتاب قۇرامىندا تاريحشى، ايتىسكەر اقىن، زاڭگەر، جۋرناليست، مادەنيەت قايراتكەرى، اعا وقىتۋشى ازاماتتاردان قۇرالعان وبلىستىڭ زيالى ازاماتتارى  بار. بۇگىنگە دەيىن اقپاراتتىق ۇگىت-ناسيحات توبى وبلىس اۋماعىندا مەملەكەتتىك مەكەمە قىزمەتكەرلەرى جانە اۋىلدىق وكرۋگتەردە سونىمەن قاتار قۇقىق قورعاۋ، دەنساۋلىق ساقتاۋ، ءبىلىم بەرۋ، سپورت، مادەنيەت، كىرىستەر سالاسى مەكەمەلەرىندە بەس مىڭنان اسا ازاماتتى قامتىعان 70-كە  جۋىق كەزدەسۋ وتكىزدى. سونداي-اق شتاب مۇشەلەرىمەن كەنتاۋ قالاسىنا قاراستى شورناق جانە قاراشىق اۋىلدىق وكرۋگتەرىندە قوعامدىق قابىلداۋلار ۇيىمداستىرىلدى.

كەزدەسۋلەردىڭ نەگىزگى ماقساتى – سىبايلاس جەمقورلىققا قارسى مادەنيەتتى قالىپتاستىرۋ جانە قوعامداعى اشىقتىقتى قامتاماسىز ەتۋ، مەملەكەتتىك ورگان مەن قوعام اراسىنداعى كەرى بايلانىستى ورناتۋ جانە كەڭ اقپارات تاراتۋ ارقىلى ادالدىق، ادىلدىك، پاراساتتىلىق قاعيدالارىن قالىپتاستىرۋ ەكەندىگىن جان-جاقتى ءتۇسىندىرۋ. سونىمەن قاتار، توتەنشە جاعداي كەزىندە سىبايلاس جەمقورلىق كورىنىستەرىن بولدىرماۋ بولىپ تابىلادى.

مەملەكەت باسشىسىنىڭ جارلىعىمەن ەل اۋماعىندا كوروناۆيرۋس جۇقپالى دەرتىنىڭ تاراۋىنا بايلانىستى ەنگىزىلگەن كارانتين جالعاسۋدا. وسىعان وراي بارلىق ءتۇسىندىرۋ شارالارى ونلاين رەجيمدە جۇرگىزىلۋدە. سوندىقتان اقپاراتتىق اعارتۋ شتابىنىڭ دا الداعى جۇمىس جوسپارىنا وزگەرىستەر ەنگىزىلىپ، مەملەكەتتىك ورگاندار مەن مەكەمەلەردىڭ، دەنساۋلىق ساقتاۋ ۇيىمدارىنىڭ وكىلدەرىنىڭ، حالىقتى الەۋمەتتىك قامسىزداندىرۋ مەكەمەسى مەن پوليتسيا دەپارتامەنتىنە قاراستى مەكەمە قىزمەتكەرلەرىنىڭ قاتىسۋىمەن تۇرمىستىق جەمقورلىقتىڭ الدىن-الۋ بويىنشا اقپاراتتىق كەزدەسۋلەر ونلاين رەجيمدە وتكىزىلەدى. سونىمەن قاتار، اۋداندار مەن قالالاردا اقپاراتتىق اعارتۋ شتابى مۇشەلەرىنىڭ قاتىسۋىمەن كوشپەلى كەزدەسۋلەر، قوعامدىق قابىلداۋلار ۇيىمداستىرۋ جوسپارلانىپ وتىر. تۇركىستان وبلىسىنداعى اكىمدەردىڭ يدەولوگيا سالاسىنا جاۋاپتى ورىنباسارلارىنىڭ جانە ءبىلىم بەرۋ ۇيىمدارىنىڭ باسشىلارىنىڭ   قاتىسۋىمەن "جەمقورلىقسىز  قوعام – سەنىمدى  بولاشاق" تاقىرىبىندا ونلاين كەزدەسۋلەر ۇيىمداستىرىلاتىن بولادى. قازىرگى تاڭدا اقپاراتتىق اعارتۋ شتابىنىڭ جۇمىستارى بۇقارالىق اقپارات قۇرالدارىندا كەڭىنەن جارىق كورۋدە.  Instagram الەۋمەتتىك جەلىسىنەن ارنايى پاراقشا اشىلىپ، ءىس-شارالار رەليزى مەن فوتوسۋرەتتەرى كۇندەلىكتى جاريالانۋدا. الداعى ۋاقىتتا شتاب مۇشەلەرىمەن اتالعان باعىتتاعى جۇمىستار جۇيەلى تۇردە جالعاسىن تابادى.  

ۇمبەت جۇسىپباەۆ،

تۇركىستان وبلىستىق ماسليحات دەپۋتاتى،

وبلىستىق اقپاراتتىق اعارتۋ شتابىنىڭ مۇشەسى.

 

سوڭعى جاڭالىقتار

افريكاداعى قازاق كينوسى

كينو • بۇگىن، 20:34

تارازى باسى تەڭ

سپورت • بۇگىن، 20:30

العاشقى كۇنى – ەكى قولا

سپورت • بۇگىن، 20:25

التىننان القا تاقتى

سپورت • بۇگىن، 20:25

ۇقساس جاڭالىقتار